Serokê Hevbendiya Niştimanî ya Hêzên Şoreş û Rikberiya Sûrîyê, Enes Alabda, hevdîtin bi balyozên welatên Yekîtiya Oropayê re li Anqeraya paytexta Tirkiyê pêk anî, û bi wan re behsa pêşhatên meydanî û siyasî kir, û nexasim tiştê niha li Idlibê û Rojhilatê Feratê dibe.
Û serokê Hevbendiya Niştimanî tekezî li ser giringiya bizaveke navdewletî kir, ji bo rawestandina dijminkariya rijêma Esed û piştgirên wê dijî Idlibê û gundewarê wê. Û bal kişand ser vegera rijêmê li operasyonên bombebarankirinê û armanckirina sivîlan ji bo têkbirina her bizavekê ji bo gihiştina çareseriyeke siyasî.
Û Abda daxwaz ji Yekîtiya Oropî kir da fişaran li tevaya aliyên kartêker bike û bi taybetî li Rûsiya ji bo piştgiriya pêvajoya karê Komîteya Destûrî, di çarçova proseseke siyasî ya berfirehtir û mezintir, da rijêm nikaribe vê pêvajoyê asteng bike.
Û Alabda di civînê de behs kir ku pêşindeya Hevbendiya NIştimanî piştgiriya desthilata Sûrî ya Demikî ya Sûrî li deverên rizgarkirî ye, û tekez kir ku arman jê sepandina desthilata sivîl û pakkirina xizmetguzariyan ji xelkê re ye ji bo gihiştina hukumraniyeke aqlane li wê deverê.
Û behsa karê Komîta Sûrî-Tirkî ya hevbeş ji bo şopandina rewşa penaberên sûrî li Turkyê hat kirin, û Alabda bi têr û tesel behsa kar û destkeftên wê komîtê bicî kirine ji destpêka karê xwe de di warê pêşkêşkirina hêsankariyan û serastkirina rewşa hejmarek mezin ji sûriyan kir.
Jêder: Ofîsa Ragihandinê ya Hevbendiya Niştimanî ya Sûrî