Serokê Hevbendiya Niştimanî ya Sûrî, D. Nesir Elherîrê, li gel kombenda Mesîr ya Filestîniyên Sûriyê û hejmarek ji kesayetên filestîniyên sûrî civiya, û hevdîtin bi Hevrêzkariya Ofîsa Penabera ya Hevbendiyê bû, bi armanca behsa rewşa wan li Sûriyê, û gengeşekirina nerîna wan li ser pêşketinên li ser asta meydanî û siyasî.
Û Serokê Hevbendiyê pesnê qehremaniya Filestîniyên Sûrî û beşdariya wan ya çalak di şoreşa Sûriyê de da, û li ser tiştên bi serê wan hatine di koçberî û derbideriyê de axivî, û Elherîrî guhdarî nerînên beşdaran derbarê çaksaziya dezgehên şoreşê kir.
Û Serokê Hevbendiya Niştimanî cext kir ku Hevbendiya Niştimanî wek sazî û tiştê ku pê radibe di warê çaksaziyê de amûrin ji bo pêkanîna armanca sereke di rizgarkirina Sûriyê û gelê wê de ji sitemkarî û terorê, her weha qewtandina dagîrkeran, û gihîştina Sûriya nû ya demoqratî.
Û di civînê de Eymen Ebo Haşim Hevrêzkarê Giştî yê Kombenda Mesîr û Ehmed Seedo Endamê Hevrêziyê di kombendê de û Ehmed Ebo Nors ji Kampa Penaberên Filestînî û Sair Ebo Şerx ji Ezazê ya gundewarê Helebê û xanim Semer Elonî, amade bûn.
Û beşdar li ser rewşa penaber û koçberên filestînî li Sûruyê axivîn, û tekezî li ser pêwîstiya serbestberdana girtiyan ji zîndanên rijêma Elesed, ji ber ku hejmara girtiyên filestînê gihîştiye bi hezaran, û tekezî li ser girîngiya beşdarbûna xortên filestînî di desteyên siyasî yên şoreşê û xurtkirina rola wan ya rayedarî di wan saziyan de kirin.
Û Hevrêzkarê Giştî yê Kombenda Mesîr, Eymen Ebo Haşim, bal kişand ser ku rijêma Slesed ji hemûyan bêhtir bazar bi filestîniya kiriye. û ew girtin û koçber kirin, û got ku kampa Elyermok dîdevana wê bûyerê ye, her weha kampên din li Sûriyê wek Kampên Deraa, Sibênê û Xan Elşih, û tekez kir ku Filestînî ji destpêka şoreşê de tevlê bûne, û got ku ew perçeyekî sereke ne ji şoreşê.
Tê zanîn ku Kombenda Mesîr di sala 2016an de hatiye damezrandin, daku komeke filestînî ya şoreşê be, ji armancên wê parastina şoreşa Sûriyê û parastina mafê gelê wê di azadî û demoqratîyê de, û nehêle ku tu piroblêm di navbera Sûriyan de çêbibin.
Jêder: Ofîsa Ragihandinê ya Hevbendiya Niştimanî ya Sûrî
