Serokê Hevbendiya Niştimanî ya Sûrî Salim Elmislit, civînek li gel Cîgirê Wezîrê Derve yê Tirkiyê Sedat Önal li New York ê li rex karên xola 77emîn a civatên Komeleya Giştî ya Netewên Yekbûyî li dar xist.
Û di hevdîtinê de Serokê Desteya Danûstandinê ya Sûrî Bedir Camûs û Serokê Hevbeş yê Komîteya Destûrî ya Sûrî Hadî Elbehra û Serokê Hikûmeta Sûrî ya Demkî Ebdilrihman Mustefa û Cîgirê Serokê Hevbendiya Niştimanî Ebdilehed Istêfo amade bûn.
Û amadebûyan tekezî li ser pêwîstiya kartêkerkirina piroseya siyasî ya domdar bo cîbicîkirina biryarên navdewletî yên têkildar û di pêşî de daxwiyaniya Cinêvê û herdû biryarên 2118 û 2254 kirin, ji bo ku bighînin çareya siyasî ya daxwazên gelê Sûriyê di azadî û rûmet û demoqrasiyê de pêk bînin.
Û amadebûyan pêşhatên meydanî û rewşa li deverên rizgarkirî di warê rêvebirî û bilindkirina asta xizmetguzariyan têde gotûbêj kirin, her weha pêşketinên piroseya siyasî.
Ji aliyê xwe ve Cîgirê Wezîrê Derve yê Tirkiyê Sedat Önal tekezî li ser piştgiriya welatê xwe bo doza Sûrî û gelê wê kir, û ku tu guherîn di helwesta Tirkiyê de nîne.
Jêder: Ofîsa Ragihandinê ya Hevbendiya Niştimanî ya Sûrî
