Serokê Hevbendiya Niştimanî ya hêzên şoreş û rikberiya Sûriyê Ebdulrehman Mistefa nameyek ji serokê Tirkiyê Receb Tayib Erdogan re şand, têde rewşa xelkê Xûta Şamê ya rojhilat şirove kir, û hêvî xwest ku bizavek ji aliyê Enqera hebe bo rihakirina sivîlan û qedexekirina kiryarên qirkirinê yên di derheqê sivîlan de.
Mistefa di nameya xwe de gotiye: “serokê mezin, xelkê Xûta rojhilat rastî kiryara qirkirinê dibe, û bizavên we wê gelek mirovan ji mirinê riha bikin, em piştgerm in ku komara Tirkiyê wê bi her karekî ji bo bidawîkirina êş û azarên gelê Sûriyê rabe û wê wefdar be ligel daxwazên gel ên ji bo azadî û rûmet û dadperweriyê”.
Mistefa diyar kiriye ku nexweşxaneyên Xûta jikar ketine û bi sedên birîndaran bê derman û çareserî mane, û hişyarî daye ku ziyanên mirovî yên mezin wê hebin, û ligor gotina wî ku wê ” kêmwêne bin”.
Serokê Hevbendiyê got: em bawer dikin ku rijêma Esed nikaribû berdewam bimîne li ser reftar û tawanên xwe heger heta vê gavê ji ber xemsariy civaka navdewletî hatiba sizadan, zêdebarî piştgiriya bihêz ya ji aliyê hevalbendên wê û bi taybetî Rûsiya”.
Mistefa daxwaza fişaran ji bo neçarkirina rijêma Esed ji bo rawestandina êrîşa hovane li ser sivîlan ji serokê Tirkiyê kir, ji bo pabend be bi agirbestê û alîkar be ji bo gihandina alîkariyên mirovî û pêdawîstiyên pizîşkî bi awayekî bilez û bêmerc ji navçeyê re.
Herwiha han da li ser daxwazkirina dadpirsînê ligel berpirsên tawanên şer li Sûriyê, û daxwaza gerantiya dubarenebûna van tawanên mezin kir.
Jêder: Ofîsa Ragihandina Hevbendiya Niştimanî
