Serokê Hevbendiya Niştimanî ya Sûrî Selim Elmislit, peyamek arasteyî Emîndarê Giştî yê Netewên Yekbûyî Antonîo Guterres derbarê pêwîstiya nûkirina biryara derbaskiria alîkariyên mirovî bo Sûriyê di riya xalên sînorî re û rawestandina keysanîna Rusya ji dosya mirovî kir.
Û Elmislit tekez kir ku kiryarên rijêma Esed û hevkarên wê bûn sedema mezintirîn bobelata mirovî ya cîhanê piştî Cenga Cîhanê ya Duwemîn, û bû gef li ser maf û ewlehiya bi milyonan Sûriyên ku li bakurê Sûriyê dorpêçkirî ne, û bal kişand ser ku li gorî prensîbên di Netewên Yekbûyî de hatine “Pirsgirêka mafên mirovan û ewlehiya wan mijareke navdewletî ye, û êdî nema arîşeyeke navxweyî ye, û binpêkirina wan gefê li ser aştî û ewlehiya navneteweyî çêdike.”
Û Elmislit diyar kir ku bûyeran derewên rijêma Esed derbarê amadebûna wê ji bo gihandina alîkariyan di rêya deverên di bin kontrola wê de re eşkere kirin, û da zanîn ku ew çend barên ku destûr bo wan hate dan daku derbas bibin, tenê ji bo mebestên propagandayê bûn, di heman dema ku rijêm rijd bû ku ew alîkarî hewcedariyên wan deveran dabîn nekin.
Û Elmislit di peyama xwe de amaje bi wê yekê kir ku operasyonên Netewên Yekbûyê ji bo gihandina alîkariyên mirovî yên navdewletî bo Sûriyê di xalên sînorî re, hemû mercên bingehîn yên rewatiyê pêk anîn, çi di warê rêzgirtina prensîbên mirovî û bêalîbûna belavkirinê û destpakî û nebûna cudahiyê di radestkirina alîkariyan de be, û çi di ware erêkirina aliyên ku bi rastî devera derbasbûna alîkariyê kontrol dikin be, ku hemû tiştên ku li gorî yasayê pêwîst in ji bo pêşkêşkirina alîkariyê hene, û mafê aliyan tuneye bêyî hebûna sedemin yasayî, alîkariyan bi kotekî rawestînin.
Û Elmislit daxwaza dirêjkirina mekanîzmaya derbaskirina alîkariyên mirovî di sînor re bi dirêjkirina biryara Encûmena Ewlekariyê ya hejmar 2642 ya 12ê Tîrmeha 2022an kir, û got ku eger biryar neyê dirêjkirin gereke li çareyin berdêl bê gerîn.
Û tekezî li ser pêwîstiya zêdekirin û berfirehkirina çarçoveya alîkariyên mirovî kir, ji bo dabînkirina pêdiviyên sereke û yên awarte di warên bicîbûn, xwarin, perwerde, tenduristî û xizmetguzariyê, ji derbider û nişteciyên wan deveran re.
Û daxwaza piştgiriya bizavên riya proseya siyasî ji bo bidestxistina veguhertineke siyasî ya tam û cîbicîkirina biryara 2254 kir.
Jêder: Ofîsa Ragihandinê ya Hevbendiya Niştimanî ya Sûrî