Serokê Hevbendiya Niştimanî ya Sûrî D. Nesir Elherîrî, îro roja pênşemê, serdana baregeha Hikûmeta Sûrî ya Demkî li bajarê Entabê kir, û hevdîtinek bi Serokê Hikûmetê Ebdulrihman Mustefa û Wezîrên Hikûmetê û Serokê Zanîngeha Heleba Azad re li dar xist.
Û Cîgira Serok Ruba Hebûş û Emîndarê Giştî Ebdulbasit Ebdulletîf û Sekretêtrê Desteya Siyasî Riyad Elhesen û Endamên Desteya Siyasî Behcet Etasî û Yasir Elferhan û Endamên Desteya Giştî Ednan Rehmon û Besme Mihemed û Necîb Elrehmon û Ehmed Elşihadî û Nûnerê Hevbendiya Niştimanî li Îyaleta Entabê Mihemed Elşimalî di serdanê de Hevaltiya Serokê Hevbendiya Niştimanî kirin.
Û Serokê Hevbendiya Niştimanî li ser giringiya rola Hikûmeta Sûrî ya Demkî di rêvebirina deverên rizgarkirî de û pêşkêşkirina baştirîn xizmetguzarî bo welatiyan axivî, û tekezî li ser pêwîstiya nêzîkbûnê ji ketwar û danûstandina li gel wê li gor rewşên niha û tunebûna jêderên darayî kir.
Û bal kişand ser ku Hevbendiya Niştimanî bi rengekî rêkûpêk li gel dewletên dost û bira kar ji bo dabînkirina jêderên pêwîst bo xebatên Hikûmeta Demkî dike, daku xurt bibe û hember sûriyên li deverên rizgarkirî bi erkê xwe rabe.
Û Elherîrî tekezî li ser giringiya yekrêzî û hevkariyê di navbera karê siyasî yê Hevbendiya Niştimanî û karê cîbicîkar yê Hikûmeta Sûrî ya Demkî kir, ji bo bidestxistinên dahatan û astengiyan derbas bikin û ketwarê deverên rizgarkirî baş bkin.
Û Serokê Hevbendiya Niştimanî li ser pêşketinên pirosesa siyasî û amadekariyên vê dawiyê bo gera dahatî ya Komîteya Destûrî yaku dê di 25 vê heyvê de li dar bikeve axivî.
Û Elherîrî cext kir ku serkeftina Hevbendiya Niştimanî û Hikûmeta Sûrî ya Demkî di rêvebirina deverên rizgarkirî de dê bi rengekî mezin bandorê li ser pirosesa siyasî bike, di warê xizmeta bicîanîna hêviyên gelê sûrî de di pêkanîna azadî û rûmet û demoqrasiyê de.
Û tekez kir ku saziyên li deverên di bin kontirola rijêmê de bûne cihê gendeliyê û mafiyayên beradayî desthilatiya wan deveran dikin.
Û ji aliyê xwe ve Serokê Hikûmeta Sûrî ya Demkî Ebdulrihman Mustefa şiroveyek hûrbîn li ser pirojeyên ku li vê dawiyê hikûmetê li cûrbecûr deverên rizgarkirî vekirine pêşkêş kir, û li ser giringtirîn astengî û derfetên li bakurê Sûriyê axivî, û tekezî li ser pêwîstiya yekrêziya hemû xebatan ji bo dabînkirina pêdviyên sereke bo xelkê me li kampan nemaze di rewşa hewa û jiyaneyî ya xirab de kir, û piştre Wezîrên Hikûmetê raporên hûrbîn li ser xizmetkarî û xebatên ku cûrbecûr Wezaretên Hikûmetê li deverên rizgarkirî di dema bûrî de pê rabûne pêşkêş kirin.
Jêder: Ofîsa Ragihandinê ya Hevbendiya Niştimanî ya Sûrî