Serokê Hevbendiya Niştimanî ya Sûrî Salim Elmislit, serdana Rêvebirê Polîsên Leşkerî Emîd Îbrahîm Elkurdî li navenda Rayedariya Polîsn Leşkerî ya li Qitmê û Kefircenê li gundewarê Efrînê kir.
Û di vê serdanê de endamên Hevbendiyê Yasir Elferhan, Ehmed Elşihadî, Necîb Rehmon û Esed Elîto û rêvebir û serokên şaxên rêvebiriya Polîsên Leşkerî hevaltiya Serokê Hevbendiyê kirin.
Û Serokê Hevbendiya Niştimanî pesnê xebata polîsên leşkerî û pêşdeçûna karên wan da, û tekezî li ser rola wan di belavkirina ewlehiyê de li deverê û parastina ewlehiya welatiyan kir, û cextî li ser pêwîstiya karê pispor di riya pêgiriya bi yasayê û pabendiya bi rêşûnan li gor tê xwestin kir.
Ji aliyê xwe ve Emîd Ehmed Ibrahîm Elkurdî li ser karê Polîsên Leşkerî û astengiyên ku rastî karê wan tên bo pêşkêşkirin û bicihanîneke baştir bo xizmeta deverê axivî, û şiroveyek li ser rêvebirina zîndanan û riyên danûstandinê li gel giertiyan li deverên rizgarkirî pêşkêş kir.
Û Elkurdî diyar kir ku guhdaneke mezin bi cîbicîkirina pîvanên mafên mirovan û pabendiya bi yasaya navdewletî û yasaya navdewletî ya mirovahiyê heye, û eşkere kir ku mîkanîzmên operasyonên girtin û lêpirsînê di riya yadnameyên ji aliyê dadgeha leşkerî ve derketine bikar tên.
Û tekezî li ser danûstandina yasayî û mirovahî bi tevaya girtiyan re kir, got ku yên girtî dikarin pêwendiyê bi merivên xwe re bikin, çi di riya serdanan re an bi riya pêwendiyên telîfonî re be an di riya parêzerên bervaniyê di ber wan de dikin re be, û bal kişand ser paqijiya kesayetî û çalakiyên werzişî û pîşeyî yên berdest ji girtiyan re.
Û Elkurdî got ku tevaya zîndanên bi ser Dadgeha Leşkerî ve li pêşiya tevaya alî û saziyên navdewletî û alavên ragihandinê yên erebî û biyanî vekirî ne.
Jêder: Ofîsa Ragihandinê ya Hevbendiya Niştimanî ya Sûrî
