Serokê Hevbendiya Niştimanî ya Sûrî D. Nesir Elherîrî, serdana Yekîneya Hevrêzkariya Piştgiriyê kir, û hevdîtinek bi rêvebirê yekîneyê Mihemed Heseno re pêk anî, û li karên yekîneyê û rêvebirina xebatên wê temaşe kir.
Û Elherîrî li ser rola berçav ya Yekîneya Hevrêzkariya Piştgiriyê di pêşkêşkirina piştgiriyê bo derbider û koçberan û piştgiriya tevaya nişteciyên deverên rizgarkirî axivî, nemaze di dema belavbûna bêtara korona de, yaku hîn metirsiya wê li ser jiyana sûriyên li kampên tijî niştecî heye.
Û ji aliyê xwe ve Emîndarê Giştî yê Hevbendiya Niştimanî Ebdulbasit Ebdulletîf, li ser rola Ykîneya Hevrêzkariyê û karê wê û giringiya wê û şopandina karê yekîneyê û pêwîstiya bihêzkirina wê û vekirina asoyên têkliyan jêre li gel dewletên bexşkar axivî, û Emîndarê Giştî got ku yekîne saziyeke şoreşgerî ye û ji yekemîn saziyên şoreşê û ji giringtirîn dezgehên şoreşê ye, û karmandên wê tiknoqrat û pispor in.
Û Rêvebirê Yekîneya Hevrêzkariya Piştgiriyê Mihemed Heseno tekez kir ku yekîne rûbirûbûna vîrosa korona wek karê herî pêşinde ye di lîsteya xebatên ku yekîne di dema niha de pê radibe de, her weha dabînkirina ava vexwarinê bo tevaya kampên li deverên rizgarkirî.
Û Heseno bal kişand ser ku Tora Hişyarkirina zû û Rawengeha Şopandina Nexweşiyan yên bi ser yekîneya Hevrêzkariya Piştgiriyê ve, rojane bi tehlîla korona li deverên rizgarkirî radibe, û bal kişand ser ku hejmara tehlîlên ku yekîneyê di hin rojan de çê kirine gihîştiye 2000î.
Û Heseno bal lişand ser ku yekîne piştgiriya çêkirina biryarê dike, û dihêle xwediyên biryarê karibin plana xwe bicî bînin, her weha piştgiriya karên karta tenduristî û hînkirinê li deverên rizgarkirî dike, û cextî li ser pêwîstiya hevrêzîya di navbera cûrbecûr rêyên hevrêzkariyê û piştgiriya mirovahî li ser asta bexişkaran û saziyên navdewletî û saziyên Sûrî Kir.
Jêder: Ofîsa Ragihandinê ya Hevbendiya Niştimanî ya Sûrî
