Serokê Hevbendiya Niştimanî ya Sûrî D. Nesir Elherîrî, şiroveyek li pêşiya Desteya Giştî ya Hevbendiya Niştimanî pêşkêş kir, têde li ser dawîtirîn pêşhatên siyasî û meydanî û çalakiyên ku Hevbendiya Niştimanî di dema bûrî de pê rabûye axivî.
Û Serokê Hevbendiya Niştimanî li ser serdan û hevdîtinên ku Hevbendiyê li deverên rizgarkirî li gel saziyên şoreşgerî li ser asta nûner û berpirsên navdewletî lidar xistine, her weha name û yadnameyên yasayî yên arasteyî Netewên Yekbûyî û Encûmena Ewlekariyê û dewletên dîtir yên dost û birayê gelê sûrî axivî.
Û Elherîrî bal kişand ser ku guhdaneke berfireh di tevaya çalakiyan de bi şanoya hilbijartinên ku rijêma Esed dixwaze lidar bixe hebû, û tekezî li ser nerewabûna hilbijartinan û dijberiya wê ji biryarên navdewletî yên taybet bi karûbarê sûriyê re kir, û tekez kir ku rijêma Esed û piştgirên wê di pêkanîna binpêkirin û tawanan de dijî sivîlên li deverên rizgarkirî, di çarçoveya wê ya xwespartina rêbaza leşkerî ya xwîndar berdewam in.
Û Elherîrî bal kişand ser ku sistbûna navdewletî derbarê tawanên rijêma Esed dijî gelê sûrî hîn berdewam e, tevî ku bêhtirê dewletan danpêdanê bi hilbijartinên rijêmê nakin, lê dît ku ew bi tenê têrê nake, û daxwaza liveke cidî kir, daku lîstina rijêmê bi çarenûsa sûriyan rawestînin, û biryarên navdewletî yên girêdayî sûriyê û di serî de herdû biryarên 2018 û 2254 cîbicî bikin, ji bo ku bighînin veguhestina siyasî û desteya hukimdarî ya veguhêz lidar bixin.
Û Elherîrî li ser giringiya nûkirina biryara derbaskirina alîkariyên mirovahî di xalên sînorî re û zîdekirina wan alîkariyan daku li gor qebareya bobelata mirovahî be yaku rijêm bûye sedema wê, û li ser encamên belavbûna vîrosa korona jî axivî.
Û bal kişand ser xebatên ku Hikûmeta Sûrî ya Demkî di warê parastina ewlehiya deverên rizgarkirî de, di warê xizmetkarî û pirojeyên pêşkêş dike de pê radibe, û got ku ew bizavên ku hikûmet pê radibe hewcedarî piştgiriya navdewletî ne, ji bo ku geşepêdan û aramî li deverên bakurê sûriyê bidome, û pêdviyên bêhtir ji 5 melyon welatî dabîn bibe.
Û Serokê Hevbendiyê rewşa pirojeyên ku li deverên rizgarkirî hatine vekirin berçav kir, û bal kişand ser zîdekirina hejmara çalakiyên ciwanan û jinê, û tekez kir ku ew di serê lîsteya guhdanên Hevbendiya Niştimanî di qonaxa dahatî de ne.
Û Elherîrî pesna karê rêvebirî û ofîs û komîteyan da, û tekez kir ku di dema bûrî de bi karekî mezin rabûn, û cextî li ser giringiya berdewamiyê di pêşxistinê de kir, daku ketwarê sûriyan çak bibe, û xizmeta doza wan di pêkanîna azadî û rûmet û demoqrasiyê bike.
Jêder: Ofîsa Ragihandinê ya Hevbendiya Niştimanî ya Sûrî
