Serokê Hevbendiya Niştimanî ya Sûrî, D. Nesir Elherîrî, û Emîndarê Giştî, Abdulbasit Abdulletîf, serdana Waliyê Sitanbolê, Yerli Kaya, kirin, û pêra rewşa Sûriyên li Tirkiyê û astengiyên li Tirkiyê bi giştî û li Îyaleta Sitanbolê bi tayber rastî wan tên gengeşe kirin.
Û herdû aliyan behsa rêyên çakkirina ketwarê Sûriyên li Tirkiyê û çareserkirina pirsgirêkên yasayî kirin, û Elherîrî tekezî li ser pêwîstiya rêxistinkirina hebûna Sûriyan li Tirkiyê kir, û giringî da hêsankirina karûbarên wan daku derdeseriyên wan sivik bibin, nemaze ku rijêma Esed şerê Sûriyan di hemû hûrgilyên jiyana rojane de û heyanî di warê belge û kaxesên fermî de dike.
Û di hevdîtinê de behsa pêşhatên rewşa meydanî û siyasî kir, û li ser binpêkirinên berdewam ji aliyê rijêma Esed û piştgirên wê dermafê rêkeftina agirbesta ku di navbera Tirkiyê û Rûsiya de di adara bûrî de hatiye îmzekirin axivîn, her weha li ser paşxistin û retkirina rijêmê û tevlînebûna Komîteya Destûrî, û tevlînebûna pirosesa siyasî ya berdewam, ya dighîne cîbicîkirina tam ji biryara 2254 re.
Û Serokê Hevbendiyê danasînek gotarek li ser pilana karê Hevbendiya Niştimanî wek nûnerê rewa yên gelê Sûrî pêşkêş kir, û li ser karê ofîs û rêvebirî û komîteyên pêve girêdayî û karên ofîsên Hevbendiya Niştimanî li corbecor dewletên ereb û biyanî, û karê saziyên cîbicîkar di rêvebirina deverên rizgarkirî de û awayên pêşkêşkirina xizmetguzariyan ji nişteciyan re axivî.
Û Elherîrî sipasiya Tirkiyê wek desthilat û gel kir, li ser pêşwaziya wan ji hejmara herî mezin ji Sûrîyên li derveyî Sûriyê re, her weha li ser xebatên wê di piştgiriya şoreşa Sûriyê û warê pêkanîna hêviyên gelê Sûrî di azadî û rûmetê de.
Û bal kişand ser Artêşa Niştimanî ya Sûrî ya ku bi Artêşa Tirkiyê re di şerê dijî rêxistinên terorîst li bakurê Sûriyê beşdarî kiriye, û got ku berî çend rojan bîranîna yekemîn ya operasyona Kaniya Aştiyê bû, yaku têde herdû artêş di şerê dijî rêxistinên terorîst de, wek PKK ya û milîsên PYD yên girêdayî wê bi ser ketin.
Û Elherîrî tekez kir ku Hevbendiya Niştimanî dibîne ku pirojeya rêxistina PKK ya terrorist li rojhilatê Sûriyê gefeke mezin e li ser yekîtiya gelê Sûriyê û xaka wê, û pêwîste ku wê rêxistinê bidawî bikin û ji tevaya Sûriyê derxînin.
Jêder: Ofîsa Ragihandinê ya Hevbendiya Niştimanî ya Sûrî