Serokê Hevbendiya Niştimanî ya Sûrî Salim Elmislit, tekez kir ku bangên xelkê li Siweydayê yên ku daxwaza ruxandina rijêmê dikin, peyama her sûriyekî ye ji cîhanê re ku rijêma Esed nerewa ye û nûnertiya sûriyan nake.
Û Elmislit di twîteke xwe de, daxwaz ji civaka navdewletî kir ku êdî dosya Sûriyê paşguh neke û kar li ser pêkanîna daxwazên gelê Sûriyê bike û rijêma Esed l ser tawanên wê siza bike.
Tê zanîn ku duh, yekşemê, xwepêşandanên berfireh li parêzgeha Siweyda derketin û gihiştin avahiya parêzgehê û têde xwepêşanderan diruşma “gel rûxandina rijêmê dixwaze” bilind kirin, û têkçûna rewşa jiyanê û nekarîna dabînkirina rijêmê ji pêdviyên xelkê re, wek keresteyên germikirinê û eletrîkê û kelûpelên bingehîn, şermezar kirin.
Û hin çalakvanan gotin ku xwepêşander derbasî avahiya parêzgehê ya li navenda bajarê Siweyda bûn, û dîmenên ku li ser torên civakî belav bûne diyar kirin ku xwepêşanderek hildikşe ser avahiya parêzgehê û wêneyê Beşar Esed didirîne.
Û xwepêşander rûbirûyî hêzên rijêmê yên ku di avahiya navenda polîs de bûn, û polîsan guleyên zindî bi aliyê wan de berdan, û di encamê de kesek şehîd ket û bidehan birîndar bûn.
Jêder: Ofîsa Ragihandinê ya Hevbendiya Niştimanî ya Sûrî
