Serokê Hevbendiya Niştimanî ya Sûrî Salim Elmislit, şiroveyek û rapora karê Serokatiyê li pêşiya Desteya Giştî ya Hevbendiya Niştimanî di civatên xola 61’emîn yên niha li dar dikevin de pêşkêş kir, û çalakî û encamên hevdîtinên xwecihî û navdewletî yên ku di du heyvên bûrî de pê rabûye berçav kirin.
Û Elmislit li ser encama serdanên ku Hevbendiya Niştimanî bo deverên rizgarkirî pê rabûye û beşdariya wê di çalakiyên bîranîna yazdemîn ya şoreşa Sûriyê û hevdîtinên ku li gel curbecur çalakvaniyên şoreşgerî û rayedarên feyleqên Artêşa Niştimanî û polîsan û rêvebirên saziyên rêvebirî û xizmetkariyê pêk anîne axivî.
Û Elmislit cextî li ser giringiya berdewamiya karê li ser bihêzkirina Hevbendiya Niştimanî li deverên rizgarkirî û xurtkirina hebûna Hevbendiyê di çalakiyên siyasî yên xwecihî ên sivîl û leşkerî de kir, her weha behsa pêşxistina hebûna Hevbendiyê ya çalak di saziyên cîbicîkar de li ser asta Hikûmeta Sûrî ya Demkî û Yekîneya Hevrêzkariya Piştgiriyê û Sendoqa Qerzdanê kir.
Û Elmislit encamên hevdîtinên navdewletî û diplomatîk yên ku Hevbendiyê li gel Balyoz û Şanderên Navdewletî û Komkara Erebî li dar xistine, û beşdariya di Yaneya Eldewha de berçav kirin, û tekezî li se pêwîstiya berdewamiya karê ji bo kartêkerkirina pirosesa siyasî û gihiştina veguhastina siyasî yaku daxwazên gelê Sûriyê di azadî û rûmet û demoqrasiyê de pêk bîne kir.
Û Serokê Hevbendiya Niştimanî diyar kir ku Hevbendî giringiyê dide berdewamiya xurtkirina têkliyên xwe yên navdewletî û danûstandina li gel paytextên cihê biryarê di dewletên bibandor di doseya Sûriyê de, û tekezî li ser giringî û pêwîstiya beşdariyê di hemû pencereyên navdewletî de nemaze di yên Netewên Yekbûyî û Encumena Ewlekariyê ya Navdewletî de kir, daku rewşa Sûriyê bighînin veguhastina siyasî li gorî biryara navdewletî 2254, û karê bi rêkûpêk ji bo sûdwergirtina ji her derfetekê daku bighêjin çareyekê bi dilê Sûriyan be, û hêvî û xwastekên wan pêk bîne.
Û Elmislit li ser karê siyasî yê ku Hevbendiya Niştimanî pê rabûye piştî êrîşkariya Rûsiya li ser Okranya axivî, û cext kir ku rijêma Esed bûye hevpara Rûsiya di tawanên ku dermafê gelê Okranya de pêk tîne, û bal kişand ser ku herkes niha dizane ku Beşar Esed mîna lîstokekê ye di destê Botîn de, û ev yek cihê metirsiyê ye sebaret ewlehî û aştiya navdewletî.
Û Elmislit tekezî li ser berdewamiya karê li ser serbestberdana girtiyên jin û yên mêr û binçavkiriyên kotekî û belgekirina doseyên binpêkirina mafên mirovan û tevaya tawanên ku rijêm dijî gelê Sûriyê pêk tîne kir.
Jêder: Ofîsa Ragihandinê ya Hevbendiya Niştimanî ya Sûrî
