Serokê Hevbendiya Niştimanî ya Sûrî D. Nesir Elherîrî, bi gotarekê di kongirê ku Navenda Orsam ya Lêkolînên Rojhilata Navîn di riya entirnêtê re li dar xistiye û du rojan berdewam kiriye li ser qonaxa ku şoreşa sûrî piştî deh salan gihiştiyê beşdarî kir.
Û di vê kongirê de Serokê Hevbeş yê Komîteya Destûrî ya Sûrî Hadî Elbehra, Serokê Şandê Asitana Ehmed Tuimê û lêkolîner û rojnemevan û akadîmiyên sûrî û tirk amade bûn, û li ser rewşa niha û pêşeroja doseya sûrî di warê siyasî û aborî û yasayî û civakî û mirovahî de, her weha li gel nerînên pêşerojî û ka rewş dê di dema dahatî de çawa be gengeşe çêbûn.
Û Serokê Hevbendiya Niştimanî di peyama xwe de tekez kir ku şoreşa sûriyê sûrî rizgar kirin, û hişt ku piştî deh salan ji bêdengiyê ew bê tirs biaxivin, û got ku sûrî piştî deh salan ji şiknandina çeperê bêdengiyê tu carî venakişin, û bizavê bo gengeşeya awayê ku dê sûriya demoqrat di pêşerojê de têde çawa be dikin.
Û Elherîrî bal kişand ser ku Beşar Esed ji ketwar cudakirî ye, û hîn di wê baweriyê de ye ku di cîhana bêdengiya kevin de ye, û pilanê bo lidarxistina hilbijartinên îsal datîne, û Elherîrî tekez kir ku ev hilbijartinên pêkenok û dûrî demoqrasiyê ne ti cudahiya rasteqîn li bal rijêma ku xwîna melyonek şehîd ji gelê sûrî di stuyê wê de heye çênake,.
Û Elherîrî cextî li ser pêwîstiya ku sizayên dijî rijêma Esed bidomin heyanî Pêkanîna veguhestina siyasî, û hatina rijêmeke demoqrat a nûnertiya sûriyan bike, û jêderên bedrest bo pêşkêşkirina xizmetkariyan û sivikkirina desreseriyên xelkê bikar bîne, ne rijêma ku kilorê di çêkirina çekên kîmawî de li şûna paqijkirina nexweşxaneyan bikar bîne, rijêma ku sotemenî di cenga li ser bajarok û gundên sûrî de bikar anîye, li şûna dabînkirina germahiyê bo kesên derdê sermayê di kampên demkî de dikişînin. “.
Û Elherîrî berdewam kir û got ku bawerî bi rijêma Esed nabe, nemaze di dabînkirina piştgiriyê bo sûriyên ku rijêm wan wek dîl bikar tîne, û jêderên welêt yên heyî bo gurkirina cengê û kuştina hîn bêhtirê sûriyan û awarekirina wan bikar tîne, çênabe ku em sûriyan vegerînin ku di bin sîwana vê rijêmê de bijîn.
Û Serokê Hevbendiyê di peyva xwe de tekez kir ku rêya biryara Encûmena Ewlekariyê hejmar 2254 dê dirêj be, lê kurt dibe dema fişar li ser rijêma Esed û piştgirên wê hebin, û bal kişand ser ku wek çawa Rûsiya û Çînê û Libnanê alîkariya rijêmê kirine daku li ser piyan bimîne, ji dostê gelê sûrî tê xwestin ku piştgiriya gelê sûriyê berdewam bikin.
Û Elherîrî hêviyên xwe derbarê karê li gel tevaya aliyan bo berdewamkrina rêça pêkanîna azadî û demoqrasiyê li sûriyê anîn ziman, her weha xurtkirina dostaniyê û berdewamiya siyasetên ku me bicî anîne, û domdariya rêyên nû bo cîbicîkirina siyasetên nû daku veguhestina siyasî ya rasteqîn bêyî Beşar Esed li sûriya pêk were.
Jêder: Ofîsa Ragihandinê ya Hevbendiya Niştimanî ya Sûrî
