Serokê Hevbendiya Niştimanî ya Hêzên Şorteş û rikberiya Sûrî, Enes Alabda, bi hevrêya serokê Hikûmeta Sûrî ya Demkî, Abdulrehman Mustefa, serdana revenda sûriyê li Qeterê kir, û rewşa wan ya jiyan û tendurustîyê şopand, û dawîtirîn bûyerên meydanî û siyasî û bi taybet bobelata mirovahî li Idlibê ji encama gurkirina operasyonên leşkerî gengeşe kirin.
Û di civînê de Cîgirê Serokê Hevbendiyê Ukab Yehya, û Hevrêzkarê Ofîsa Karûbarê Erebî di Ofêsa Pêwendiyên Derve, Selîm Elxetîb, herweha Wezîrê Berevaniyê lîwa Selîm Idrîs, û Wezîrê Navxwe Mihydîn Hermoş û Wezîrê Rêvebiriya Xwecihî û Xizmetguzariyan Mihemed Seîd Silêman, û balyozê sûrî li dewha nîzar Elhirakî , amede bûn.
Ji aliyê Revenda Sûrî ve, Serokê Encûmana Revendê Mihemed Yasîn Elnecar û Sekretêrê Yekemîn di Balyozxanê de, Hazim Lutfî, û Konsolos Bîlal Eltirkiyê herweha Endamên Encûmena Revendê amade bûn.
Û Serokê Hevbendiya Niştimanî rewşa eniyên şer piştî îmzekirina lihevhatina Tirkî û Rûsî ya dawîn şiroveyek pêşkêş kir, û behsa qehrmaniya ku Artêşa Niştimanî ya Sûrî di rûbirûbûna êrîşên leşkerî yên ku bi serokatiya Rûsiya bûye kir.
Û şiroveyek berfireh li ser rewşa mirovahî ya dijwar a derbider û koçberan û nexşeya belavkirina wan li ser kamp û bajar û gundên cûrbecûr li deverên azad pêşkêş kir.
Û Alabda tekezî li ser girîngiya bihêzkirina têkliyan bi hevalbendên sitratîcîk re kir, ji bo komkirina piştgiriya berdewam ji gelê sûriyê û doza wî ya rewa re bo bidestanîna azadî û rûmetê, û bal kişand ser girîngiya nehêlîna têkliyan bi rengekî normal bi rêjîma esed re, û domandina cihêkirina rêjîmê li ser asta herêmî û navdewletî.
Û Alabda aşkere kir ku girîngiyek mezin bo piştgiriya Hikûmeta Sûrî ya Demkî û pirojeyên wê yên xizmetkariyê li deverên azad heye, bi armanca biserxistina karê wê yî rêveberî û damezrandina berdêlekî rasteqîn li şûna rêjîma Esed û dezgehên wê yên sexte, ewên ku tenê xizmeta bercewendiya xelekeke teng ji rêjîmê dikin, û ne ji bo gelê sûriyê ne.
Herweha Serokê Hevbendiyê sipasiya revenda Sûriyê ya li Qeterê kir, li ser rola wan ya berbiçav di gihandina dengê Sûriyan de, û piştgiriya wan ya xwiya ji xelkên wan re li deverên azad.
Jêder: Hevbendiya Niştimanî ya Hêzên Şoreş û Rikberiya Sûrî
