Şandeyek ji Hevbendiya Niştimanî ya hêzên şoreş û rikberiya Sûriyê bi serokatiya Serokê Hevbendiyê Enes Abda ligel wezîrê derve yê Vatîkanê Paul Gallagherciviya, û herdu aliyan tekezî li ser giringiya parastina sivîlan li Sûriyê û rawestandina hemû operasyonên leşkerî kirin.
Serokê Hevbendiya Niştimanî dît ku serdana Vatîkanê “gelek giring e ji ber rola wê di aramkirina deverên cida de”, û di civînê de behsa rewşa mirovî li Idlibê, û armanckirina saziyên sivîl wekî saziyên bijîjkî, dibistan û cihên oldariyê kir, û bal kişand li ser girîngiya rawestandina hemû operesyonên leşkerî û armanckirina sivîlan.
Abda daxwaza komkirina piştevaniyeke navdewletî kir ji bo agirbestê û rawestandina êrîşên ji aliyê hêzên Esed ve bi piştgiriya Rûsya û Iranê li ser Idlibê, û vegera li ser maseya danûstandinan jibo bicîhkirina biryarên navdewletî, nemaze daxuyaniya Cenêvê û biryara 2254.
Wî bal kişand li ser mijara penaberan li hemû welatên mêvandar, nemaze li Libnanê, ku tenê bi çareseriyek siyasî, û vekişîna milîsên mezhebî, tevî milîsên terorîst yên Hizbullah ji axa Sûriyê çareser dibe.
Abda tekezî li ser giringiya azadkirina girtiyan û eşkerekirina çarenivîsa bêserûşûnan kir, û zêdekir û got ku mijara girtiyan yek ji dosyên herî aloz e, ji ber ku rejîm vê rêbazê bikar tîne ji bo tirsandina gelê Sûriyê da dest ji xebata xwe ya ji bo bidestxistina mafên xwe yên rûmet û azadiyê berde.
Wezîrê derve yê Vatîkanê, tekezî li ser pêwîstiya parastina sivîlan li ldlibê û rawestandina operasyonên leşkerî kir, û herweha li ser giringiya pêşkêşkirina alîkariya mirovahî ji bo koçberan, tevlî guhdariya wî bi rewşa girtiyan û serbestberdana wan.
Jêder: Ofîsa Ragihandina Hevbendiya Niştimanî Sûrî
