Serokê Hevbendiya Niştimanî ya Sûrî D. Nesir Elherîrî û Hevrêzkarê Ofîsa Saziyên Civaka Sivîl D. Zuhêr Mihemed û Endamê Desteya Siyasî Ebdulmejîd Berekat û Endamê Desteya Giştî D. Ehmed Tuimê di rûniştineke diyalogî ji dûrve, yaku “Saziya Testeqil” di bin navê “Guhartinên Siyasî û Karûbarên Sûriyê” .. û “Berê Sûriya li ku ye?” lidar xistîye beşdar bûn.
Û di rûniştinê de nêzî 120 kesayetiyan beşdar bûn, û herdû xanim Nadiye Ukaşe û Raniye Elşêx rûniştin birêve dibirin, û di rûniştinê de hevpeyvînên corbecor li ser pêşhatên rewşên meydanî û siyasî li Sûriyê hatin pêşkêşkirin, û Serokê Hevbendiyê şiroveyek pêşkêş kir, tê de li ser xebatên Hevbendiyê di dema bûrî de û pêşketinên pirosesa siyasî, nemaze rewşa aloz û jikarketina ku rijêm sedema wê ye ku nehêle gereke nû ji karên Komîteya Destûrî ya Sûrî re lidar bikeve axivî.
Û Elherîrî li ser gera meydanî yaku di çend rojên bûrî de li deverên rizgarkirî pê rabûye axivî, û bal kişand ser gurkirina leşkerî ya nû ji aliyê rijêma Esed û piştgirên wê yên Îranî û Rûsî ve, û hişyarîya hilweşîna rêkeftina agirbestê da, bi sedema ku rijêm û piştgirên wê xwe dispêrin rêbaza leşkerî ya xwîndar.
Û Elherîrî şiroveyek li ser karên ku Hikûmeta Sûrî ya Demkî û saziyên dîtir yên Hevbendiya Niştimanî yên cîbicîkar li deverên rizgarkirî pê radibin pêşkêş kir, û li ser çalakiyên Komîteya Vegerandina Mafan di warê vegerandina xanî û dukanên bazirganî ji xwediyên wan re axivî.
Û di rûniştinê de li ser encamên hilbijatinên Emrîkî û bandorên wê li ser doseya Sûrî di rojên dahatî de nemaze di dema astengîyên rastî şoreşa Sûriyê tên axivîn.
Û Elherîrî tekezî li ser pêwîstiya xurtkirina rola jinê kir, daku karibe di hemû warên siyasî û aborî û civakî de xwedî rol be, herweha girîngiya şêwirdariya li gel wê û beşdariya wê di tevaya biryaran de daku ramana “ jina Sûrî xwedî dayîne” were çespandin.
Jêder: Ofîsa Ragihandinê ya Hevbendiya Niştimanî ya Sûrî
