Serokê Hevbendiya Niştimanî û şanda digel wî, operasiyonên tiroristî yên ko îro li bajarê Mêrdînê li Tirkiyê û yên li Istanbol û Emanê di rojên çûyî de çêbûn pirotesto kirin, û piştgiriya xwe ji malbatên qurbaniyên Urin û Tirkiyê re da xuyakirin, ev îro çarşembê dema digel wezîrê derve yê Tirkî Mewlûd Cawîş Oxlo li Enqerê civiya.
Serokê Hevbendiya Niştimanî Enes Elebde, spasiya Tirkiyê li ser piştgiriya kêşeya Sûriyê kir, her wiha sersaxiya malbatên qurbaniyên êrîşên tiroristî yên Istanbol doh amanc kirin kir.
Elebde diyar kir ko Hevbendiya Niştimanî karê xwe yê birêveberî û siyasî û peywendiyên derve bi pêşve dibe, her wiha çarçoveya Desteya Giştî berfireh dike bibal hemû pêkhatiyên civaka Sûrî û hem ya Jinê hem jî aktîvkirina karê Desthilata Demkî li ser xaka Sûriyê ya rizgarkirî da xizmetan ji niştecihan re pêşkêş bike.
Ji aliyê xwe ve Cawîş Oxlo helwesta welatê xwe ji kêşeya Sûriyê tekez kir, û got ku ew siyaseta xwe bibal rêjîma Esed ve naguherin , hem tekez kir ko giring e guherîna dîmuqratî li Sûriyê çêbibe û veguhêza siyasî bêyî Esed misoger bibe.
Diyar kir ko bajarê Minbicê ew ê herêmên xwe piştî berdana rêkxistina Daiş birêve bibin. Destnîşan kir ko wisa Tirkiyê û Emerîka lihev kirine.
Şanda Hevbendiyê astengî û arîşeyên ko beraberiya xelkên Sûriyê yên li Tirkiyê dijîn anîn ziman, û Wezîrê derve yê Tirkiyê soz da ko jidil guhdanê li wan bike û pêrabûnan bêtir hêsan bike. Oxlo tekez kir ew dê rêbuhêrka Bab Elhewa ji Sûriyan re di rojên cejna biçûk de veke.
Jêder: Hevbendî
