Serokê Hevbendiya Niştimanî ya Sûrî D. Nesir Elherîrî, hevdîtinek li gel Cîgirê Serokê Perlemanê Herêma Kurdistana Îraqê Hêmen Hewramî û hejmarek ji berpirsên kutleyên Turkman û Kildoaşûr di perleman de lidar xist, û bi hev re behsa armancên hevbeş û pêşhatên siyasî li deverê kirin, û Elherîrî spasdariya xwe ji herêma kurdistanê re li ser pêşwaziya penaberên sûrî anî ziman.
Û di hevdîtinê de herdu Cîgirên Serokê Hevbendiyê Ebdulhekîm Beşar û Ruba Hebûş û Emîndarê Giştî Ebdulbasit Ebdulletîf û Hevrêzkarê Têkliyên Derve Ebdulehed Istêfo û Endamên Desteya Siyasî Mihemed Yehya Mektebî û Mihemed Silo û Yasir Elferhan amade bûn.
Û Elherîrî li ser metirsiya pirbelavbûna Îranê li deverê axivî, û dît ku ew wek penceşêrê ye li deverê, û bal kişand ser ku pêwîst e Emrîka helwesteke bêhtir cidî derbarê şerê Milîsên Îranî û rêxistinên wek Daiş û PKK bistîne, û tekez kir ku şerê terorê bi viyana Hevbendiya Niştiman re guncayî ye, û êrîşa teroristî ya dawîn li ser Hewlêrê şermezar kir.
Û ji aliyê xwe ve Cîgirê Serokê Perleman Hêmen Hewramî li ser piralîbûn û jiyana hevbeş li Herêma Kurdistanê di nav civakê de axivî, û got ku yasa hukumdarê sereke ye di nav xelkê de, û cextî li ser girîngiya çanda jiyana hevbeş kir, û Hewramî ezmûna perlemana herêmê di warê mîkanîzma kar bo parastina pêkhatan û lipaşxwehiştina nakokiyên yasayî berçav kir, û bal kişand ser pêwîstiya pêwendî û hevrêziyê di vî warî de.
Jêder: Ofîsa Ragihandinê ya Hevbendiya Niştimanî ya Sûrî
