Serokê Hevbendiya Niştimanî ya Sûrî Salim Elmislit, serdana encûmena xwecihî li bajarê Ezazê li gundewarê Helebê kir, daku karê encumen û dijwariyên ku rastî karê wan tên di warê pêşkêşkirina xizmetguzariyan de bişopîne.
Û di serdananê de Endamên Hevbendiyê: Mihemed Yasîn, Îbrahîm Dirbale, Es’ed Elêto û Atif Zirêq hevaltiya Serokê Hevbendiyê kirin, û Şandê Hevdîtinek li gel serokê encûmena xwecihî Mihemed Hemdan û hejmarek ji serokên ofîsan di encumen de li dar xist.
Û Elmislit li ser girîngiya xizmetên ku Encumena xwecihî pê radibe û pêşkêşî gelê deverê dike axivî, û behsa dosya xwendinê kir, û cextî li ser pêwîstiya pêşketina di wî warî de û hevrêziya di navbera encûmenên xwecihî û Hikûmeta Demkî de derbarê dosya xwendinê kir.
Û Elmislit amaje bi wê yekê kir ku divê biryar serwerî û navendî bin, û ji aliyê Hikûmetê û Wezîran ve bên derxistin, û hevrêziya berdewam di navbera encûmenên xwecihî û Hevbendiya Niştimanî û amûrên wê yên cîbicîkar de hebe, ji bo sûdê bighîne xelkê, û xizmetguzariyên têne pêşkêşkirin baştir bibin.
Û Serokên ofîsan li ser girîngtirîn pirsgirêk û zehmetiyan û bi taybetî yên dosya perwerdeyê axivîn, ji bilî pêwîstiya hebûna laboratorekê ji bo taqîkirina dermanan li deverê, ji ber ku tenê laboratorek li herêma Idlibê heye, û nikare pêdiviyên deverên rizgarkirî bi cih bîne.
Û Serokê Hevbendiyê û Şandê pêre li nexşeya bajarê Ezazê yaku ji aliyê ecumena xwecihî ve pêşkêş bûye temaşe kirin, û pêwîstiya çareserkirina kêşeyên ku rastî pilana rêkxistinkirina bajêr tên, û asta hewcedariya ketwarê niştecihan ji nexşeyekê re derbarê niştecîbûnê ku karûbarê wan rêxistin bike, gengeşe kirin.
Jêder: Ofîsa Ragihandinê ya Hevbendiya Niştimanî ya Sûrî
