Serokê Hikûmeta Sûrî ya Demkî Ebdulrihman Mustefa, bi hevaltiya Wezîrê Berevaniyê Lîwa Selîm Idrîs û Serdarê Leqê Elhemze Seyif Ebo Bekir, gereke şopandinê li bajarê serê kaniyê yê gundewarê hesekê pêkanîn, ji bo çavdêriya cîbicîkirina valakirina baregehên leşkerî û radestkirina wan baregeha bo polîsan, bikin.
Û Mustefa hevdîtin li gel Serdarên Feyleqa Duym û yên hin yekîneyên leşkerî yên li bajarê Serê Kaniyê kar dikin pêk anîn, û tevan tekezî li ser pabendiya bi valakirina baregehên leşkerî yên hundirê bajêr kir, herweha bidawîkirina dîmenên çekdarî tê de, û hevkarî hebe da ewlehî û aramî bo sivîlan misoger bibe, her weha bilindkirina asta amdebaşiya şervanî li çeperên şer ên bi dijmin re.
Paş re Mustefa û şanda pêre hevdîtin li gel Serokê Polîsên Leşkerî û Serokên leqan lidar xist, û Serokê Şaxê Leşkerî şiroveyeke hûrbîn derbarê karên ku polîsên leşkerî bi hevrêziya li gel serdarên pêkhatan li deverê pêşkêş kir.
Û Serokê Hikûmetê û Wezîrê Berevaniyê ji polîsên leşkerî re tekezî li ser pêwîstiya cîbicîkirina yasayê û nehêlana destdirêjiyan û cezakirina yên ne pabend bi yasayan kirin, daku ewlehî û sîstema giştî bête parastin.
Û Mustefa serdana Serkêşên Polîsên Sivîl û navenda dadweriya leşkerî li bajêr kir, û guhdarî şiroveyekê ji hêla Serkêşê Polîsan li ser karê pê radibin derbarê hevrêzî û hevkariyê li gel Encûmena Xwecihî û Polîsên Leşkerî û karta dadweriyê kir, û hevdîtin bi dadweran re û karmendên dadweriyê li dar xist, û tekezî li ser pabendiya bi yasayê û rêşûnên yasayî di hemû dozan de kir.
Û Mustefa pesna serkeftinên Encûmena Xwecihî da, û guhdarî astengiyên hene û mîkanîzma karê pêşerojê û rêçên hevrêziyê li gel Wezaretên Hikûmeta Sûrî ya Demkî kir.
Di heman demê de Serokê Hikûmetê di dawîya gera şopandinê de, hevdîtinek bi pêkhatên civaka sivîl re yaku tê de cûrbecûr ol û netewe hebûn lidar xist, û ji wan guhdarî rewşa giştî û astengiyên rastî wan tên kir, û bi wan re behsa nerînên derbarê vegerîna penaberan ji xelkê bajêr bo malên wan û alîkariya bo dûbarekirina vegera her tiştî weke berê kir.
Jêder: Ofîsa Ragihandinê ya Hevbendiya Niştimanî ya Sûrî