Serokê Hikûmeta Sûrî ya Demkî Ebdulrehman Mustefa, di çalakiya taybet de a ji bo ronîkirina bandorên erdheja wêranker a ku di 6ê Sibatê de li Tirkiye û Sûriyê daye, raporek li ser bersivdana Hikûmetê li deverên rizgarkirî pêşkêş kir, û amaje bi wê yekê kir ku karmendên Hikûmetê hemû piştgiriyên berdest pêşkêş kirin ji bo kêmkirina êş û azarên kesên ku ziyan dîtine.
Û Mustefa di axaftina xwe ya di çalakiyê de, diyar kir ku Hikûmet ji kêliyên destpêkê ve bi lez û bez tevgeriya, û ji bo rûbirûbûna encamên tirsnak ên bobelata mirovî gelek kar kirin, wek amadebaşiya tevaya kadro û tîmên meydanî ji bo piştgiriya Berevaniya Sivîl di operasyonên rizgarkirinê û derxistina xelkê ji bin kavilan de, û şandina tîmên pizîşkî û makîneyan ji bo rizgarkirin û alîkariya birîndaran û temînîkieina li xalên pişkinînê ji bo dabînkirina derbasbûna bilez a ambûlansan, her weha belavkirina nanê bêpere li ser xelkên deverên ziyanmend.
Û Mustefa amaje bi wê yekê kir ku kar li ser rêkxistinkirina rêvebirinê hatiye kirin, bi rêya avakirina komîteyeke hikûmî ji bo birêvebirina alîkariyan û gihandina wan bo cihên ziyandîtî, herweha avakirina komîteyeke hikûmî ji bo şopandina dabeşkirina alîkariyên ku pêşkêşî welatiyan dibin, da gihandina wan bo kesên ziyan dîtine misoger bibe, û temîniyên cîbicîkirinê yên pêwîst ji bo rêxistinkirina karên komîteyê hatine kirin.
Û Mustefa behsa rola giring a Artêşa Niştimanî ya Sûrî kir, ji ber ku Wezareta Berevaniyê di Hikûmeta Sûrî ya Demkî de rênmayek ji hemû hêzên di nav Artêşa Niştimanî de re derxist, da ku hemû karînên xwe kom bikin, û alîkariya xelkê li deverên ziyan dîtine bikin.
Û bal kişand ser wê yekê ku hemû hêzên Artêşê karmend û makîneyên xwe şandin, da ku di operesyonên rakirina kesên di bin kavilan de mane beşdar bibin, û keresteyên alîkariyê yên lezgîn li ser kesên ziyan dîtine belav bikin, û xalên pişkinînê bi karê dabînkirina derbasbûna bilez a ambûlansan rabin, û rê vebin, û hemû tedbîrên pêwîst bên kirin, her weha piştgirîkirina xebatên komîteyên ku ji bo bobelatê hatine avakirin.
Û daxwaz ji Netewên Yekbûyî û hemû sazî û dezgehên wê kir, ji bo hewldana gihiştina çareseriyeke berfireh ji dosya Sûriyê re, û di vê qonaxê de giraniyê bidin zêdekirina alîkariyên mirovî ji gelê Sûriyê re, û dîtina wê yekê di ser hemû nêrîn û berjewendiyên siyasî re.
Û Mustefa behsa tevaya karên pêk hatine kir, û berdewam kir û got ku pêdawîstî gelek in, nemaze ji ber berdewambûna heja zemînê û derbiderbûna xelkê û derketina wan ji malên xwe, çi ziyan li xaniyan bûbe an saxlem bin jî, di bin fişara tirsa giştî de, û got ku pêwîstiya vê yekê bi bersiveke berdewam û girngîdana çavkaniyên ku li deverên rizgarkirî tune ne heye.
Jêder: Ofîsa Ragihandinê ya Hevbendiya Niştimanî ya Sûrî
