Serokê Hikûmeta Sûrî ya Demkî, Ebdulrihman Mustefa û şandê pêre, gereke şopandinê li deverên rizgarkirî pêkanîn, ji bo şopandina karê dezgahan û xizmeguzariyên ji welatiyan re têne pêşkêşkirin li herdû bajarên Elbab û Bizaa li gundewarê bakurê Helebê.
Û di gera Serokwezîr de, Wezîrê Berevaniyê Lîwa Selîm Idrîs û Eqîd Mihyîdîn Elhermoş Wezîrê Navxwe, û Wezîrê Rêveberî û Karûbarên Herêmî, Mihemed Saîd Sulêman, û Wezîrê Tenduristiyê Meram Elşêx û Wezêrê Dadê Ebdullah Ebdulselam, û Emîndarê Giştî di Hikûmeta Sûrî ya Demkî de Faiz Nabî, û Berpirsê Têkliyên Derve Yasir Elhecî beşdar bûn.
Û Serokê Hikûmetê û şandê pêre li gel rûsipiyên bajarê Elbab û hejmarek ji rayedarên leşkerî yên Artêşa Niştimanî re civiya, her weha serdana baregeha polîsên sivîl û polîsên leşkerî li bajarê Elbab kirin.
Û civêngeran behsa mijara avakirina komîteyên ewlehî li devera Dirih Elfurat kirin, û gotin ku divê nûnerin Artêşa Niştimanî û polîsê leşkerî û polîsên sivîl û dadwerî di wan komîteyan de hebin, û belavbûna van komîteyan li ser tevaya deveran be, û zêdekirina hevrêzî û hevkarîya ewlehî û leşkerî ji bo parastina ewlehî û aştitya welatiyan.
Û derbarê xebata Hikûmetê bo rûbirûbûna bêtara Korona li deverên rizgarkirî, Mustefa li amedekariyên nexweşxana bajarê Elbab nerî, piştî ku hevdîtin li gel rêvebirê nexweşxanê re pêkanî, û guhdarî li girîngtirîn pêdviyên nexweşxanê bo rûbirûbûna Korona kir.
Her weha serokê hikûmeta Demkî serdana Encûmana bajarê Bizaa kir, û birêvebirina karê tê de dibe şopand, û behsa pêdviyên bajêr kir.
Jêder: Ofîsa Ragihandinê ya Hevbendiya Niştimanî ya Sûrî
