Serokê Hikûmeta Sûrî ya Demkî Ebdulrehman Mustefa rapora karê Hikûmeta Demkî di herdû heyvên bûrî de li pêşiya Desteya Giştî ya Hevbendiya Niştimanî di civîna wê ya xola 66emîn de pêşkêş kir.
Û Mustefa bersiva Hikûmeta Sûrî ya Demkî û saziyên wê derbarê bobelata erdheja wêranker a ku di Sibata bûrî de li Sûriyê û Tirkiyê xistiye, berçav kir, û tekez kir ku tîmên kar ên Hikûmetê ji bo rizgarkirina kesên ku ziyan dîtine ji kêliya pêşî de lez kirin, û hewleke mezin dan ji bo alîkariya tîmên Berevaniya Sivîl û rizgarkirina kesên di bin kavilan de mane.
Û Mustefa li ser vekirina baregeha nû ya Hikûmeta Sûrî ya Demkî li bajarê Elraî û projeyên nû yên ku li ser asta tenduristî, perwerde, xizmetguzarî û ewlehiyê hatine vekirin axiv.
Û Mustefa şiroveyek li ser girîngtirîn biryarên ku Hikûmeta Demkî di warê tenduristî û perwerdeyê de û yên girêdayî ewlehiyê û rewşa jiyanê pêşkêş kir, û amaje bi wê yekê kir ku ev yek li gorî pilanên berê û pêşhatên ketwarê Sûriyê tê.
Û Mustefa şiroveyek li ser destkeftên Wezaretan û karê wan di şopandina rewşa meydanî di hemû waran de û bilindkirina amadebaşiya şervanên Artêşa Niştimanî, her wiha hewlên mezin ji bo kontrolkirina rewşa ewlehiyê li deverên rizgarkirî û pêkanîna ewlehî û aramiyê li deverên rizgarkirî pêşkêş kir.
Û Mustefa ravekirinek derbarê karê Dezgeha Dexlûdan a Giştî û Rêveberiya Giştî ya Gumrikê pêşkêş kir, û rewşa jiyana deverên rizgarkirî, rêjeya buhabûnê û keresteyên berdest, her wiha rola Wezareta Tendirustiyê di dabînkirina guhdana pizîşkî ji welatiyan re li deverên rizgarkirî berçav kir.
Jêder: Ofîsa Ragihandinê ya Hevbendiya Niştimanî ya Sûrî
