Serokê Hikûmeta Sûrî ya Demkî Ebdilrihman Mustefa, tekezî li ser giringiya pêngava Hevbendiya Niştimanî di pirosesa çaksazîkirinê de kir, û bal kişand ser ku hejmarek mezin ji çalakvaniyên şoreşgerî û sendîka û encumenên xwecihî li deverên rizgarkirî ji demeke dirêj de daxwaza derbasbûna nava Hevbendiyê û pişikdariya tê de dikin.
Û ew jî di hevdîtineke rojnemevanî yaku Hevbendiya Niştimanî, îro înê, li gel hejmarek ji dezgehên ragihandinê yên xwecihî û erebî û navdewletî li dar xistiye de hat, daku li ser pirosesa siyasî biaxivin, û rêşûnên ku Hevbendî di çarçoveya pirosesa çaksaziyê ya girêdayî bi endamtiyê û sîstema bingehîn pê rabûye de diyar bike.
Û di civatê te, Serokê Hikûmeta Sûrî ya Demkî Ebdilrihman Mustefa, û Emîndarê Giştî yê Hevbendiya Niştimanî Heysem Rehmê, û Sekretêrê Desteya Siyasî Ebdilmejîd Berekat û hejmarek ji endamên Desteya Siyasî û hevrêzkarên komîte û rêvebirî û ofîsan beşdarî kirin.
Û Mustefa diyar kir ku çar encumenên cwecihî di riya Wezareta Rêvebiriya Xwecihî re name arasteyî Hevbendiya Niştimanî kirin, û têde daxwaza guhertina nûnerên xwe yên di Hevbendiyê de kirin, ew jî encûmenên Dêra Zorê, Heleb, Idlib û Reqayê bûn, û got ku Serokê Hevbendiya Niştimanî bersiva daxwazên wan encumenan da.
Û bal kişand ser ku dema dahatî dê girîngiyê bêhtir bidin encumenên parêzgeran û kar li ser nûnerkirina her 14 parêzgehan bikin, daku Hevbendiya Niştimanî bibe nûnerê rasteqîn ê tevaya gelê Sûriyê.
Û Mustefa diyar kir ku pirosesa çaksazîkirinê demeke dirêj xwest, lê wê roleke wê berz di yekirina saziyan de û nûnertiya tevaya pêkhatên kartêker li deverên rizgarkirî hebe, û dît ku dê bandoreke wê ya erênî li ser têkliya di navbera Hevbendiya Niştimanî û Hikumeta Demkî û kolana Sûrî de hebe.
Û Mustefa got ku şoreşa Sûrî di rewşeke pir dijwar re li ser hemû astan derbas dibe, û bal kişand ser ku pirosesa çaksazîkirinê pêwîst e bo rûbirûbûna wan astengiyan û divê pêngavin dîtr li pey werin.
Jêder: Ofîsa Ragihandinê ya Hevbendiya Niştimanî ya Sûrî