Serokê şanda danustandankar ya gelê Sûriyê di danustandinên Jinêv de, Es’ed Elzu’ibî, da zanîn ku wezîrê derve yê Amerika Con kêrî û yê Rûsiya Sêrgî Lavrof “nikarin rewşa li Sûriyê kontrol bikin”.
Ku Bergiriya Sivîl ya Sûriyê, kuştina 10 sivîlan, jin û zarok di nav wan de hene, dîkomînt kiriye, piştî armanckirina hin taxên nişteciyan li bajarê Biniş yê ser bi gundewarê Idlibê ve bi mûşekên dengî bi du êrîşên ji aliyê firokên Esed duhî roja sêşemê.
Û Elzu’ibî duhî di axivtineke xwe de digel “Skay Newsa Erebî”, pêşniyarek da NY, derbarê dubare-destpêkirina danustandinanên Jinêvê yên digel rêjîma Esed.
Elzu’ibî got ku danustandin hatin ragirtin ji ber hindek sedeman û “sedema mezin ji ber binpêkirina berdewam ya agirbestê bû”, û amaje kir ku agirbest nedihat cêbecîkirin.
Herwiha Şanderê navdewletî bo Sûriyê Stîvan Dîmestora, di demek pêştir de gotibû, ku 17’ê heyva gulanê, jivanê destpêkirina danustandinên Jinêvê ye. Ku li aliyek din, berdevkê şanderê NY, Ehmed Fewzî, ragihandibû ku hin ” nîşanên erênî ji Mosko û ji Waşinton derbarê vê yekê” gihiştin NY.
gotinê ye ku duhî roja sêşemê, rêxerê giştî yê desteya danustandinan Riyad Hicab, li Parîsê digel wezîrê derve yê Si’ûdiyê Adil Elcibêr civiyabû. Di civînê de herdu aliyan, guhertin û pêşhatên rewşa Sûriyê gengeşe kirin, û herwiha bizavên navdewletî yên ji bona rawestandina binpêkirinan di derheq gelê Sûriyê de û babetê destpêkirina pabendbûna bi rêkeftina rawestandina karên çekdarî, û gerantiya gihandina alîkariyên mirovî bo xelkê Sûriyê jî hatin gengeşekirin.
Hicab di roja duşemê de û di dema pişkdariya şandekê ji desteya bilind ya danustandinan di civîna girûpa dostên Sûriyê de, li ser giringiya girêdana berdewamiya piroseya siyasî bi cêbicêkirina bilez û bêmerc ya biryarên encûmena ewlekariyê tekez kiribû, û bi taybetî ku tundutîjî bête rawestandin, û êş û azarên gelê Sûriyê bidawî bibin û dorpêçkirin bête rakirin, û herwiha gihandina alîkariyên mirovî bo xelkê pêwîstîdar û serbestberdana girtiyan û rawestandina bicêhkirina fermanên bidarvekirinê û hin rêşûnên zordestî yên din yên rêjîma Esed li dijî sivîlan bi kar tîne.
Herwiha Hicab cext kir li ser giringiya lixwegirtina NY stratîjiyeke nû ji bona pêşvebirina piroseya siyasî bi rêka lixwegirtina rêşûnên hişktir li hember binpêkirinên rêjîma Esed û hevalbendên wê.
Jêder: Hevbendî + Wekalat