Hêzên rijêma Esed, duh piştî nîvê şevê, komkujiyek pêk anîn, û di encamê de 5 sivîl bûn qurbanî, 3 ji wan jin bûn, û hejmarek kesên din birîndar bûn.
Û Berevaniya Sivîl a Sûrî, got ku tevaya qurbaniyan ji malbatekê bûn, û hemû jî di êrîşeke bi mûşekan ku mala malbateke koçberkirî li bakurê bajarokê Kefir Nûran li gundewarê rojavayê Helebê armanc kiriye de mirin.
Û êrîşa bi mûşekan a rijêma Esed, duh, taxên niştecihan, “Mizgefta Mezin” û dibistanek li bajarokê Sarmîn armanc kirin, û di encamê de keçek hat kuştin, û 6 sivîlên din jî birîndar bûn, ew jî: Sê zarokên keç, yek ji wan şîrmij bû, û du jin û mêrek bûn.
Û hin çalakvanan ragihandin ku topbarana bi topxane û mûşekan a ji çend rojan de ji aliyê hêzên Esed ve berdewam e, bidehan bajar û bajarokên Idlibê û gundewarê Helebê armanc kirin, di nav de Cisir Şixûr, Afes, Elbera, Maarblit, Mejdeliya, Mihembil, Elmozara, Elfitîra, Kinsafra, Dêre Sunbul, Elhembûşiye, Sermîn û derdora wê, Qimînas, Ubîn, Elriwêha, Elebzîmo, San-Elnêrab, Erîha, Firkiya û Ihsim.
Û endamê Desteya Siyasî ya Hevbendiya Niştimanî ya Sûrî Munzir Siras, got ku gurkirina leşkerî ya rijêma Esed û hevalbendên wê li ser taxên sivîlan li herdu parêzgehên Idlibê û gundewarê Helebê, armanca wê ew e ku careke din nehêle aramî peyda bibe û jiyana xelkê bixe bin gefê de, da ku bala xelkê ji ser tevgera aştiyane ya bajarê Siwêda û rewşa aborî ya ku her roj xirabtir dibe bibe ser aliyekî din.
Û Siras têkliya Artêşa Niştimanî ya Sûrî bi bombebaranên ku cihên leşkerî yên rijêmê li Humsê armanc kirine bi temamî red kir, û got ku tiştê bûye bombebarana navxweyî ye û ji aliyê rijêmê ve hatiye çêkirin, û ne bombebaraneke asmanî ye weku medyaya wê gotiye, ew jî bi armanca bikaranîna van kiryaran e, da ku hîn bêhtir tawanên li dijî sivîlan li deverên rizgarkirî pêk bîne.
Û Siras ji civaka navdewletî xwest ku yekser destwerdanê bike û operasyonên leşkerî yên rijêma Esed û hevalbendên wê yên ku li dijî sivîlan pêk tînin rawestîne, û yên ku li Sûriyê mane rizgar bike, bi rêya cîbicîkirina biryarên navdewletî yên derbarê karûbarê Sûriyê bi taybetî biryarên 2118 û 2254, da ku veguheztina siyasî ya berfireh a ku gelê Sûriyê dixwaze pêk were.
Jêder: Ofîsa Ragihandinê ya Hevbendiya Niştimanî ya Sûrî