Ofîsa şêwirdariya stratejîk û Ofîsa lêkolîn û belgenameyan ya Hevbendiya Niştimanî ya hêzên şoreş û rikberiya Sûriyê, li bajarê Antakya yê Tirkiyê, ku nêzîkê 400 hezar penaberên Sûrî lê hene. Civînek girîng bi kesayetî û çalakvanan re li dar xist, û bi wan re li ser pêşveçûnên herî dawîn yên li ser qadê û rewşa siyasî gotûbêj kirin.
Nûneriya Hevbendiya Niştimanî li bajarê “Antakya”, kurtiyek li ser rewşa Sûriyên li deverê pêşkêş kir, û bi hev re çawaniya bihêzkirina girêdana di navbera wan û Hevbendiya Niştimanî û hikûmeta demkî ya Sûrî de li deverên rizgarkirî gotûbêj kirin.
Herweha di serdanê de behsa pêvajoya şoreşa Sûrî, rewşa Idlibê û rojhilatê Firatê û proseya siyasî hate kirin, û ji aliyê xwe ve, şanda Hevbendiya Niştimanî şiroveke berfireh li ser pêşhatên siyasî û yên li ser erdê pêşkêş kir, û cext li ser giringiya yekrêziya xelkê Sûriyê û rêkupêkkirina karê navxweyî kir, û giringiya piştgiriya şoreşa sûrî di kampanyayên ragihandinê de.
Ji aliyê xwe ve nûnerên revenda Sûrî li Antakya diyar kirin ku ew Hevbendiya Niştimanî wek sîwana rewa ya şoreşê dibînin, û piştevaniya xwe jê re tekez kirin, û daxwaz ji hikûmeta nû kirin, ku zû dest bi xebata xwe bike û xizmetguzaran bo Sûriyan li deverên rizgarbûyî û koçberên ji êrîşên rejîma Esed û Rusya li ser deverên Idlib û Hemayê reviyane pêşkêş bike.
Wan pêşnîyar pêşkêş kirin ji bo bihêzkirina têkiliyan û çalakkirina Hevbendiya Niştimanî li “Antakya” û wîleyeta “Hatay”, û karê civakê di yek çarçoweyê de birêxistin bikin, û ji bilî vê yekê sûd ji pisporiya civakê nayê dîtin, ku parêzvan, rewşenbîr, efser û pisporên zanistî û perwerdeyî di nav wan de hene.
Jêder: Ofîsa Ragihandina Hevbendiya Niştimanî Sûrî
