Ebdulehid Stêfo, endamê desteya siyasî ya Hevbendiya Niştimanî Ya Hêzên Şoreş Û Rikberiya Sûriyê, diyar kir ku wêrankariya li taxên rizgarkirî li bajarê Helebê ya di heyamê herdu rojên bûrî de hatî, ya ku bûyî sedema jikarketina pênc nexweşxaneyan ji pêşkêşkirina xizmetgozariyan, berdewamiya rêjîma Esed û hevalbendên wê li ser redkirina çareseriya siyasî tekez dike, berovajî tişta dibêjin.
Û hin çalakvanan ji Helebê ragihandibûn ku “pênc nexweşxane li Helebê û gundewarê wê, pêr roja şembiyê jikar derketin, bi sedema bombebarana tund, ku ew jî ev in: nexweşxaneya Elhekîm ya zarokan, û nexweşxaneya Elzehra û ya Elbeyan û Eletarib li gundewarê rojava”.
Û her ji roja yekê tîrmehê ve, û ligor amarên tîma şopandinê di Nivîsîgeha Ragihandina Hevbendiya Niştimanî de, hejmara kuştiyan li bajarê Helebê gihişt 823 şehîdan ji binyatê 1720 şehîdan li tevahiya Sûriyê, ji wan 285 zarok û 151 jin bûn.
Herwiha desteya siyasî ya Hevbendiya Niştimanî civînek awarte lidar xist ji bona gengeşekirina encamên xirab yên xurtkirina oparesyonên leşkerî li ser Helebê, û Stêfo tekezî li ser giringiya wê yekê kir, ku pêwîst e NY bi rawestandina binpêkirinên rêjîma Esed û yên Rûsiya û bi taybetî yên girêdayî bi bombebarankirina nexweşxane û berdewamiya dorpêçkirinê rabe.
Stêfo got ku rewşa niha tekez dike, ku rêjîma Esed û herdu dagîrkar Rûsiya û Îran, hêjî dixwazin berdewam bimînin li ser pêkanîna tawanên zêdetir yên şer bi rêka kuştina sivîlan û armanckirina nexweşxaneyan û jinavbirina jêrxana bingehîn, li şûna biçin ber bi çareseriya siyasî, û wê li ser vê yekê berdewam bimînin.
Stêfo tekez kir li ser giringiya liberçavgirtina ketwrê ji aliyê dewletên piştgir ji çareseriya siyasî re, herwiha li mêkanizmekê bo rawestandina berdewamkirina tawanên şer yên dibin li ser destê rêjîma Esed û dûvelankên wê bigerin.
Jêder: Hevbendî
