Suhêr Eletasî, endama Hevbendiya Niştimanî ya Hêzên Şoreşê û Hevrikiya Sûriyê, diyar kir ko gelek arîşe têne serê Jina Sûrî, ji koçkirin û derbideriyê ; heta bi windakirina Mêr û xizm û zaroyan û girtin û hem tundûtûjiya sêksî, û mirina ji ber birçîbûnê an di bin bombebaranê an bi êşkenceyê di zindanên rêjîma Esed de.
Di Simînarekê de bi helkeftina Roja Jinê ya Cîhanî, li ser derdê Jinên Sûrî û rola wan di serpereştiya Şoreşê de, digel Endama Perlemana Filestînî Necat Elestil, û organîzekirina Encûmena Niştimanî ya liberxwedana Îranî, Suhêr Eletasî tekez kir ko giring e babeta Jinê ji hêla Netewên Yekbûyî ve guhdaneke mezintir lê bibe, û bi taybetî tawankarên cengê yên rêjîma Esed û milîtanên mezhebperest û dagîrkerên Rûs û Melayên Îranî yên li Tehranê hêj neketine ber pirsîn û sizakirinê.
Û got: “Jina Sûrî hem qurbanî ye û hem jî serpereşt e. û ji destpêka Şoreşa azadiyê di Adara 2011an, Jin li rêza Şoreşê a yekemîn bû. bi gelek rolan rabû, rola yekem; Jina Şoreşger dengê wê ji bo azadiyê di xwepêşindanan de bilind bû, ew xwepêşandanên wê bi xwe jî organîze dikirin, û dengê Jinê ji fîşekên Rêjîmê bi hêztir bû, ew xwepêşindan bi qehremanî organîze dikirin, ne tenê di beraberiya Rêjîmê de, belê dijî rêkxistinên ko derbasî Sûriyê bûne û bi Rêjîmê re hevalbend in, ji wan jî Milîtanên bi Îranê ve girêdayî û milîtanên Hizbullah û Daiş û hinên din. ”
Eletasî destnîşan kir ko Jina Sûrî di damezirandina Hevrêzên Şoreşger û Rêkxistinên pêşî yên gêncan û hem di ragihandinê de jî beşdar bûye. Dengê Şoreşê û wêneyên wê ber bi cîhanê ve guhastin. Rola Jina mafnas jî di belgehkirina zêdegavî û binpêkirinên hêzên Esed di dermafê xwepêşinderên sivîl de û hem Çalakvanên aştîxwaz jî belge kirine.
Endama Hevbendiya Niştimanî Sûrî bal kêşand ser ko gava Rêjîm li ser çareseriya leşkerî sûr ma, rola Jina bijîşk û alîkara bijîşkan di çareserkirina Birîndaran de di nexweşxaneyên meydanî de hebû. Tekez kir ko Jinên Sûrî di bin bombebarana berdewam de, ya bi mûşek û bermîlên teqîner de, tev li karînên hindik, jiyana bi sedan kesên Sûrî rizgar kirin.
Eletasî berdewam kir û got: “Rola Jina Sûrî di Şandeya Opozisyona Sûrî ya kongirê Cinêva 2 de ya danûstandinan di meha kanûna 2 û Sibata 2014an de bingehîn û xuyayî bû, çimkî ewê jî digel endamên Opozisyonê yên din beraberiya Şandeya Rêjîmê ji hêla siyasî, diblomasî û mirovî ve kir, û digel hevalên xwe dengê Şoreşa Sûriyê gihand cîhanê.. Îro jî rola wê di desteya bala ya danûstandinan ya Cinêva 3 de diyar e, digel Alayên Şoreşger yên çekdar û rêkxistinên siyasî û tevgera sivîl di rojên ko Şoreş ruhniya xwe vedigerîne û bi siloganên xwe ên yeken “Milet rûxandina Rêjîmê dixwaze ” û “Miletê Sûrî yek e” pabendiya xwe dubare dike.
Gotina xwe wisa bidawî kir: “Tev vê stemkariyê tevî jî, lê her em ê bi hêvî bimînin.
em vê ji miletê Sûrî hîn bûn, bi vegera siloganên xwepêşindanan ji nû ve, û bi vejandina rewanê siloganên Şoreşa azadî û rûmetê. Û bi baweriya min bi evî miletê hêja ez her wisa bawerim ko ew Jina beraberiya fîşekên rêjîmê û tiroristiya milîtanên hevalbendên wî bi siloganên azadiyê kir. û ew Jina rojnamevan ya ko di metirsîtirîn dem de kar kir, da ji cîhanê re dengê Şoreşa miletê xwe diyar bike, û ew Jina mafnas ya ko tawankarî û zêdegaviyan belge dike, û Jina ko birîndaran di bin bombebaranê de çareser dike, û Jina siyasetmedar û diblomasî ya ko di ber mafê miletê Sûrî de tekoşînê dike, ew heman ew Jin e ya ko nuhokê çê dike û Paşerojê ava dike û ew heman ew Jin e ya ko dê mafê xwe bidest bixe û wê rola xwe di mijarên siyasî, rewşenbîrî û civakî û mirovî de bibîne. ”
Ji aliyê xwe ve endama Perlemanê Filestînî Necat Elestil silavên xwe ji Jina Sûrî re şand û got: “em digel wê ne wê stem gelek dîtiye û ew Jin dikare serkêşiyê bike û dikare guherîna ketwarê bi ketwareke çêtir bike”.
Jêder: Hevbendî
