Çalakvanên Sûrî dest bi kampanyakê kirine bi navê “Tevbiger ji bo Derayê’ ”, ji bo balê bikêşênin ser bombebarana ku hê wek wê çênebûye, ya li ser parêzgeha Der’a ku ji hêla rêjîmê û Rûsya û milîtanên piştgiriya wan dikin dibe.
Berdevkê Kampanyayê Semîr Else’dî got ko wan gotara xwe dane rêkxistin û desteyên mafnasiyê û yên mirovî yên bi babeta Sûriyê ve têkildar in û ji wan jî “Bijîşkên bêsînor”, “Zarokan biparêzin (Save The Children” û “Xaça sor ya navdewletî”, ji bo piştgiriya kampanyayê bikin, û bi hawara xelkê ve bên û daxwazê ji rêjîmê bikin tako êrêşa xwe ya hovane rawestîne.
Diyar kir ko rêjeya wêraniyê gihaye 85%, her weha bêtir ji 20 hezar kesî derbider bûne û bêtir ji 70hezarî ji gundên derdorê, ji Elnu’eyma, Elyadûde û gundên derdora rêya Dera’- Şam ya navdewletî koçber bûne bi sedema bumbebarana 500 bermîlên teqîner ku tije napalma sotandinê ya qedexeya navdewletî ne, û 500 mûşekên “Fîl” yên bi hêza wêraniya giran bi ser wan de berdane, ji bilî bi sedan êrîşên ku dadane ser wan.
Doh dora 20 sivîlî bi encama topbaranê û bombebarana asmanî ya li ser bajarê Tefes li gundewarê bajarê Dera’ hatine kuştin, û li herêma Ellucat (75 km dûrî Dera’) mayoneke wêraniyê hate teqandin.
Else’dî bal kişand ser ko kesên serkêşiya vê êrîşa leşkerî dikin, ew milîtanên piştgirtî ne ji Îran û Hizbula Libnanî û Lîwayê Fatimiyûn yê Efxanî û tevgera Elniceba ya Îraqî, her weha firokên cengê yên Rûsî têde beşdar in.
Jêder: Nivîsgeha Ragihandinê ya Hevbendiya Niştimanî/ Simart