Endamê Desteya Siyasî ya Hevbendiya Niştimanî ya Sûrî Ehmed Tu’imê, tekez kir ku tiştê ku li deverê rûdide, ji xwepêşandên li Siwêda û Deraa ta bighê mangirtinên li Deverên di bin kontirola rijêmê de, û bûyerên li parêzgeha Dêra Zorê çêdibin, diyar dikin ku dê guhertinin mezin çêbibin.
Û Tu’imê got ku rijêma Esed di ti rojan de di dîtina çareya siyasî de ne cidî bû, ji ber ku danûstandinên wê li gel Tirkiyê ji destpêkê de velikumî bûn, û cîbicîkirina normalkirina têkliyan li gel dewletên erebî têkçû, û vê yekê bi awayekî neyînî bandor li alîgirên rijêmê kir.
Û Tu’imê got ku xemsarî û sivkatî û dûrbûna ji ketwar ya di gotara Beşar Esed de, hişt hu gelê Sûriyê bi giştî hêrs bibe, lewra biryar dan ku berve qonaxeke nû biçin, û cemawer li her derê tevî deverên peravê jî, dest bi xwestina mafên xwe kirin, û giringî bêhtir dan mijara ku Beşar Esed û giropa pêre sedema her tiştê ku li Sûriyê çêbûye ne.
Û Tu’imê bal kişand ser ku bêhêvîmanê hişt ku xelk li Siwêda û Deraa û Peravê berê xwe bidin vê rêyê, nemaze ku ev rewş hevdem e li gel aloziya devera rojhilat û fişarên milîsên PYDe yên terorîst li ser serokên êlan, lewra tevaya rewşê nîşan dide ku em li pêşiya qonaxeke nû û vebir bin.
Û Tu’imê hejmarek ji nameyan araste kirin, a yekemîn ji Sûriyên di bin desthilatdariya rijêma zordar û hêzên Rusya dagîrker û Îranê de dijîn re bû, û ji wan re tekez kir ku em yek milet in xwedîyên heman armancê ne, û em daxwaza Sûriyeke azad ji tevaya xelkê wê re û avakirina dewleteke sivîl û demoqrat ya ku tevaya sûriyan têde beşdar bin dikin.
Û Tu’imê di nameya duyemîn de berê xwe da civaka navdewletî û dewletên ereb û tevaya hevalbendan, û got ku êdî bes derfetên li pey hev didin rijêmê, ji ber ku rijêma Esed gihiştiye qonaxa dawî û rûxandinê û hewldana zindîhiştina wî bêsûde ye, û cext kir ku dem hatiye ku bi awayekî cidî li ser cîbicîkirina biryara navdewletî 2254 û veguhestina welat berve qonaxeke cuda de bibe bixebitin.
Û Tu’imê nameya sêyemîn arasteyî xelk û şêx û serokên eşîr û êlan li devera rojhilat kir, û gote wan: Em bi têkoşîna we re ne di rûyê milîsên PYDe yên terorîst de, û em hemû hewldanên xwe dikin da mafên we biçespînin, û we bikin xwedan karîn da hûn xizmeta xelkê xwe li deverê bikin, dûrî îraniyan û derveyî desthilatdariya PYDe .
Jêder: Ofîsa Ragihandinê ya Hevbendiya Niştimanî ya Sûrî
