Di çarçoveya xebata Komîta Hevbeş ya Sûrî-Tirkî de ya ji bo çavdêrîkirina rewşa penaberan li Tirkiyê, aliyên berpirsiyar yên Tirkiyê vegera hejmarek ji Sûriyan bo nav axa Tirkiyê pejirandin.
Kesên vegerandî bi rêya deriyê “Bab al-Hewa” hatin pêşwazîkirin, û kordînatora ofîsa penaber û mirovên koçber di Hevbendiya Niştimanî ya Sûrî de, Emel Şêxo, tekezî li ser ewlehiya hemû kesên hatine vegerandin kir , û spasiya hikûmeta Tirkiyê li ser hevkariya wê kir.
Şêxo diyar kir ku Hevbendiya Niştimanî lîsteyek bi navan daye aliyên Tirk wek beşekî ji xebata komîta hevbeş , û piştî hûrbînkirina bûyeran hate pejirandin û razî bûn li ser vegera şeş kesan wek yekem girûp, li benda pejirandina navên mayî.
Hevbendiya Niştimanî bi rêya malpera xwe ya fermî, rûpelek taybet ji bo şopandina rewşa penaberên Sûrî û niştecîh li Tirkiyê, di çarçoweya xebata Komisyonê de terxan kiriye.
Rûpel dihêle ku hemû Sûriyên li Tirkiyê yên ku pirsgirêkên taybetî yan yasayî hene, agahdarî û belgeyên xwe radest bikin ji bo bi karbidestên fermî yên Tirk re rewşa wan bişopînin.
Komîte ji aliyê Tirkiyê ve ji cîgirê wezîrê navxwe, serokê beşa koçberiyê û hejmarek ji karbidestên wezaretê , û ji aliyê sûrî ve, ji serokê Hevbendiya Niştimanî û berpirsên komîteyên pêwendîdar û hejmarek rêxistinên Sûrî li Tirkiyê pêktê.
Jêder: Ofîsa Ragihandina Hevbendiya Niştimanî Sûrî
