Wezareta derve ya Nerwêj ragihand ku ew bi tirs li pirkirina leşkeriya Rûsiya di Sûriyê de temaşe dike, û got ku raportên li ser êrîşên firokên Rûsiya tên, ku ew armancên ji bilî DAIŞê bombebaran dikin , û ev wê hewlên çareseriya siyasî aloztir bikin.
Di bersivekê de li ser daxwaza Henan Elbelxî nûnera Hevbendiyê li Nerwêj, ku daxwaz ji Hikumeta Nerwêj kiribû ji bona şermezarkirina êrîşên Rûsiya, wezareta derve tekez kir ku ew dilgiran in der barê kuştina sivîlan bi sedema êrîşên Rûsiya, û got ku ew her binpêkirineka yasaya navdewletî û sercem şêwazên tundutîjiyê di Sûriyê de şermezsr dikin.
Wezaretê diyar kir ku daxuyaniya Jinêv dimîne bingeh bo çareseriya siyasî li rex civaka navdewletî, û got ku Nerwêj piştgiriya bizavên şanderê navdewletî Dî Mîstora dike.
Herwiha diyar kir ku “gelê Sûriyê gelek derdeserî ji şerê rêjîma Esed dît, ku bêhtir ji 250 hezar kesî hatin kuştin û 4 milyon vederî sînor bûn penaber û 6 milyon di hindur Sûriyê de aware bûn, lewra giring e bigehin çareseriyek siyasî ji bo bidawîkirina şer û derdeseriyê.
Wezaretê di nameya xwe de bal kişand ku tişta li Sûriyê dibe bûye mezintirîn bobilata murovî her ji duwem cenga cîhanî ve, û got ku ew pişkdariyê di sivikirina xemên sûriyan de bi rêka pêşkêşkirina alîkariyên mirovî dike.
Jêder: Hevbendî
