Serokê Hevbendiya Niştimanî Xalid Xoca daxwaz kir ku ” pêwîst e bizavên dewletên dost li gor guhertinên li ser zemînê bin; yên hewla parçekirina welat di navbera bendekên Elbexdadî û bendekên Iran û çeteyên wê de dikin, ku dibe gef û metirsiya peydakirina şerekî herêmî bo hejandina tevaya deverê”.
Xoca sersomaniya xwe nîşan da li hember civîn û kongirên dewletên Hevpeymaniyê û biryarên lawaz û seqet yên ji wan derdikevin, û di heman demê de bal kişand li ser “pêşketinên DAIŞê yên hevdem ligel civînên parîsê yên girûpa jinavbirina terorê, ku ev yek pêşketinên leşkerî yên rêjîma Esed tîne bîra me yên hevdem ligel civînên girûpa dostên gelê Sûriyê!”.
Herwiha serokê Hevbendiyê dupat kir ku ” xemsariya Civaka navdewletî ligel berdewamiya mana rêjîma Esed û pêşketinên DAIŞê nakevin di xizmeta berjewendiyên gelê Sûriyê û gelên deverê de, û dibe hokarê dirêjkirina ra û rehendên şeran di navçeyê de bo demên dirêj”.
Di heman çarçoveyê de berdevkê Hevbendiya Niştimanî Salim Elmislit da xuyakirin Ku ketwarê li Heleb û gundewarê wê bi aşkerahî dide xuya kirin ku firokên Esed di beyaniya îro de berdewamî da êrîşên xwe bi avêtina bermîlan li ser çendîn navçeyên Helebê û li ser bajarê Til Rifet û li ser gundewarê Idlibê jî ku ji encamê û ligor amarên destpêkî ev êrîş bûne sedema şehîdbûna nêzîkî 40 kesî ku piraniya wan jin û zarok in û herwiha bi dehên birîndaran.
Herweha maje kir ku Li ber çavê Hevpeymaniya Navdewletî yên niha li Parîsê kombûyîne, Firokên rêjîmê rê li pêşiya derbasbûna çeteyên DAIŞê xweş dikin bi rêka topbarankirina taxên nişteciyan û armanckirina sivîlan bi bermîlên teqîner.
Elmislit tekez kir ku Piştî şikestin û revên berdewam yên hêzên rêjîmê ji eniyên şer, niha DAIŞê bikar tîne û berê wê dide şer û pevçûnan li dijî şoreşgeran bi piştgirî û piştevaniya esmanî, û ev çende astekî nû ji hemahengiyê û bercewendiyên terorî yên hevbeş di navbera herdu aliyan de diyar dike, bê ku hîç helwîsteke Hevpeymaniyê li hember hebe, û ev dibe cihê goman û sersomaniyê.
Jêder:Hevbendî
