Serokê Hevbendiya Niştimanî Sûrî Xalid Xoce Îro sibeha Duşembê li Niyoyorkê digel wezîrê derve yê Erebistana Siûdî Adil Elcibêr di ber civîna Komela Giştî ya Netewên Yekbûyî re di rola xwe ya 70î de bi serokatiya Serokê Perlemanê Danimarkî Moginêr Lîkîtofît civiya.
Xoce helwestên Erebistana Siûdî û bi taybetî diplomasiya wezîrê derve yê Siûdî Elcibêr di piştgiriya kêşeya Gelê Sûrî de bilind nirxand.
Xoce û Şandeya digel wî di civîna Komela giştî ya ko wê îro êvarî destpê bike de, dê nerîna Hevbendiya Niştimmanî ji çareseriya siyasî re diyar bike. Hem jî qeyrana Penaberan û mijara Tiroristiyê û jêderên wê ko li tiroristiya rêjîma Esed vedigere û giringiya ku çûna Esed bibe da çareseriyeke siyasî ya rastîn bibînin.
Şandeyê tekez kir ko têwerdana Rûsya ya yekser dagîrkirin e, û Gelê Sûrî tekoşîna xwe wekû tevgera rizgarîxwaza gelêrî bike.
Şandeya Hevbendiyê dê bi serokê Firensa Firanswa Holand û Emîndarê Giştî Ban Kî Mon û çendîn wezîrên derve yên dewletên Ewropî û Erebî di ber civînê re hevdîtinan bike.
Şande wê di simînarekê de li ser Bermîlên teqîner ko rêjîm bi ser herêmên niştecihan û bazaran de davêje beşdar bibe. Hem jî Civîn dê li ser geşepêdana berdewam û aştî û ewlekarî û mafê mirovan gengeşe bike.
Jêder: Hevbendî