Serokê Hevbendiya Niştimanî Sûrî doz li Civaka Navdewletî kir bo şermezarkirina êrîşa Rûsî ya nerewa li ser Sûryayê, ku bêtir ji 60 kesî şehîd kir, di nav wan de zarok û jin jî hebûn.
Di nameyekê de ku şandibû ji serokê Encumena Ewlehiyê Roman Orazon re, jê xwest ku karê yekser bike bo rawestandina êrîşên azmanî yên hovane li ser Şam, Hims, û Hemayê, ku mal bi ser serê xwediyên wan de wêran kirine, herweha nexweşxane, mizgeft û avahiyên giştî .
Xoce hişyarî da ser bandor û encamên êrîşa Rûsî ya wêranker û kujer ku armanckirina deverên avahî bûye sedema pirkirina hejmara penaberan.
Tekez kir ku êrîşên azmanî ” Parçeyek ji hewldanên Rûsî yên eşkere û hesabkirî ne bo bihêzkirina şerê Esed dijî sivîlan, herweha beşdariya Rûsî li rex rejîmê wê dike aliyeke yekser dijî milletê Sûrî, û heye ku ev destwerdan wê tûşî pêkanîna tawanên cengê bike”.
Xoce berdewam kir ku destwerdana Mosko “Binpêkirinek ji benda çaran ji lihevkirina Cinêvê re ye, ya derbarê parastina sivîlan di demên şer de, û biryara Encumena Ewlehiyê nemre 2139, ya doza xistina cudahiyê di navbera sivîl û şervanan de dike, her weha qedexekirina bikaranîna çekên wêrankirina tewşe û rawestandina êrîşan dijî sivîlan “.
Xoce herweha hişyarî da ku dagîrkirina leşkerî a Rûsî, pir encamên wê, ne tenê li Rûsan hene, lêbelê ew ê tundrewyê bihêz bike ji ber ku wê bibe destekek di destê daiş de, wê hejmara penaberan bilindtir bike, û ji encama vê destwerdana kirêt wê aramiya Sûriya û tevaya cihanê kêmtir bibe.
Serokê Hevbendiyê bal kişand ku eger Rûsiya rê nede Encumena Ewlehiyê da bi karê xwe rabe, pirsyariya dabînkirina parastina sivîlan yên ku niha di ber metirsiya êrîşên azmanî de ne dikeve ser millê endamên Encumanê bi xwe de.
Jêder : Hevbendî