Serokê Hevbendiya Niştimanî Bo Hêzên Şoreşê û Hevrikiya Sûrî Xalid Xoce bi hevrêtiya hejmarek ji Endamên Desteya Siyasî û şêwermednê yasayî ê Artêşa Sûrî ya Azad, bi Wezîrê Karê Derve yê Birîtanî Filîp Hamond, şêwirmendê Ewlehiya Netewî Mark Liyal Giran, û Wezîrê Dewletê bo Geşepêdana Navdewletî Castin Girînîg re, di yekem rojên serdana wan ji Birîtanya re ku wê du rojan berdewam bike civiyan.
Xoce tekez kir ku divê parastina sivîlan bingeha çi operasyona siyasî ku armanca wê peydakirina çareyek siyasî li Sûryayê be, û diyar kir ku wê ev çare ne mumkin be, ji ber sivîlên Sûrî li ser destê rejîma Esed û Rûsya bi awayekî sereke di riya derbên azmanî re tên kuştin.
Xoce û Hamond li hev kirin ku êrîşên Rûsî ji Sûryayê re tirsnak û xwedî encamin vajî ne, ji dêvla bihêzkirina şer dijî rejîma Daişê, şerê ku Rûsya bi sivîl û Artêşa Sûrî ya Azad re dike rê dide rêxistina Daişê ku ji nû ve vejîn bibe.
Xoce destnîşan kir ku gotubêjên berdewam li Viyêna di navbera berpirsên Rojavayî, Ereb, Rûs, û Iraniyan, pêkhateyeke sereke jê kêm e, ew jî beşdariya Sûryan e.
Xoce bal kişand ku tiştê li viyêna dibe wê rewatiya bistîne eger parastina milletê Sûrî ji êrîşên azmanî bike, û got eger gotubêjên Viyêna bi encamin pêşketinê ber bi Sûrya pêşerojê bê Esed dernekevin, pêwist e ku hevalbendên milletê Sûrî ji Birîtanî, Ewrupî û Ereban garantiyên diyar bo parastina sivîlan û demek destnîşankirî bo veguheztina ku li Cinêvê li ser hatiye lihevkirin pêşkêş bikin.
Civînkeran rewşa mirovahî û kirîza penaberên Sûrî jî gotubêj kirin, Xoce spasiya her du mazûvanên xwe li ser beşdariya Birîtanya di pêşkêşkirina alîkariyê ji penaberên Sûrî re kir, û Xoce û Girînîg li ser gerekiya Karin bêtir bo misogerkirina gihiştina alîkariyan di riya sînoran re û xetên pevçûnê li gor biryarên Encumena Ewlehiyê ya bi Netewên Yekbûyî ve girêdayî ye lihev kirin.
Xoce li ser hewcedariya danustendina bi xelkê Sûrî re bi rêz û hurmet ku rûmeta wan biparêze kir, û ji Engeltra xwest ku bi roleke serkirdayetî rabe ta siyasetek giştî ku di riya wê re pêşwazîkirina mezintirîn hejmar ji penaberan di Yekîtiya Ewrupî de bike û Iqametê demkî ji wan re peyda bike, herweha Xoce doza beşdarbûna hemû dewletên endam kir, û pêkanîna riyên aram bo Yekîtiya Ewrupî bo qaçaxçiyên kujer û ne rewa nehêlin, û daxwaza dana alîkariyên mezintir bo dewletên cîranên Sûrî yên pêşwaziya piraniya penaberan dikin kir.
Jêder: Hevbendî
