Rêkxistina Lêbûrandina Navdewletî îro di raporteke xwe de tekez kir ko Rêjîma Esed û Çeteyên mezhebperet yên digel wî hevalbend in ji sala 2011an ve di operasiyênên veşartina kotekî ko ew tawankarî ye li dijî mirovantiyê bi dehhezaran xelkên Sûrî girtine û revandine.
Rêkxistina mafparêz hevpeyivîn digel mirovên xelkên ko hatine veşartin kir û gotin ko wan bertîl dane navgîniyên peywendiyên wan bi Rêjîmê re hene da hin agahiyan li ser kes û nasên xwe bistînin.
Rêkxistinê tekez kir ko hewl daye bi Rêjîmê re ji bo kêşeya kesên hatine veşartin bipeyive, lê hêj li benda bersivê ye. Rêkxistinê got “veşartina kotekî ji sala 2011an ve li ser destê Rêjîmê cîbicî bûye, bi awayekî ko êrîş dane ser sivîlan û bi cûreyekî rêbazkirî bûye.”
Rêkxistinê salixa evan kirdeyan bi tawankariyên li dijî mirovanhiyê da û doz li Rêjîma Esed kir da derfetê bide Komîta vekolînê ya navdewletî ya serbixwe ya derbarê Sûriyê ya ji Netewên Yekbûyî hatiye danîn ji bo pêzanînan li ser girtiyan bizanin.
Rêkxistinê got li gora Toreya Sûrî ya Mafê Mirovan û komela çavdêr ko bargeha wê li Sûriyê ye, ko bêtir 65hezar kes piraniya wan sivîl in ji Adara 2011an heta Tebaxa 2015an winda bûne û hêj jî ji windayan têne jimartin.
Bêtir got ko yên Girtî ew xistine zindanine tije xelk û nexweşî li wan pir heye û çi guhdana bijîşkî nîn e û got bi alavên wek kehrebekirinê û lêdan û daliqandin, sotandin û zorbaziyê êşkence kirine.
Her wiha Hevbendiya Niştimanî doz li Civaka Navdewletî û Rêkxistinên Mafê Mirovan kir”ko rê li ber tawankariyên Rêjîma Esed û Çeteyên wî der heqê girtiyên Sûrî de dikin bigirin. Û bilezkirin di ferizkirina çavdêriya tendiristî li Girtîgehan, ew Girtîgehên ko ji bo binpêkirina viyana gelê ko doza rûxandina Rêjîmê dike çêbûne. ” Her wiha doza aşkerekirina çarenivîsa Girtiyan û yên hatine veşartin kir.
Jêder: Hevbendî+Royterz