Welatiyên Sûrî ji curbecur bajar û deveran li bakur heta başûr derketin, û hevgirtin û rawestana xwe li kêleka xwepêşanderên li parêzgehên Siwêda û Deraa diyar kirin, û di xwepêşandanên îro Înê de, tekezî li ser pabendbûna bi azadî û rûmetê û rûxandina rijêmê kirin.
Û Serokê Hevbendiya Niştimanî ya Sûrî Salim Elmislit silav li gelê Sûriyê yê azad li ser wêrekî û pêdariyê wî kir, û di twîteke xwe de li ser hesabê xwe yê Twitterê got: Silav li van komên mêrxas ên ku me li Siwêda, Deraa, Heleb, Dêra Zorê û deverên din ên Sûriyê dîtine, û silav ji şoreşgerên me yên li deverên rizgarkirî ên ku ji bo piştgiriya tevgera başûr derketine re.
Û Elmislit tekez kir ku rijêma Esed dê nikaribe vîna gewre a gelê Sûriyê bişkîne, ji ber ku piştî zêdetir ji 12 salan careke din gelê sûriyê dengê xwe bi heman siloganan bilind dike, û Sûrî yekdeng in ku rizgariya ji kêşeyan dê di riya hilkirina rijêma Esed a sponsera teror û gendeliyê re be.
Û Serokê Hevbendiyê cextî li ser wê yekê kir ku pêwîst e civaka navdewletî bizane ku ev rijêm ne rewa ye, û guhertina wê kilîta çareseriya ku Sûrî li benda wê ne ye.
Û Xwepêşandan îro li bajarê Elbab, Efrîn, Mari’, Ezaz, Etarib û Darit Izze li gundewarê Helebê, her wiha li Cisir Elşixûr, Derkûş, Biniş, Xirbet Elcoz û Killê li gundewarê Idlibê hatin lidarxistin, û ji Deraa Elbeled, Înxîl û Newa, Teybe, Cesim, Elmizêrîb, Busra Elşam, Elhirak û Tefes li parêzgeha Deraa xwepêşandan derketin, û xwepêşanderên Serê Kaniyê li parêzgeha Hesekê û bajarê Reqa û Dêra Zorê bi hev re sirûda rûxandina rijêma Esed û avakirina paşerojeke hêja bo gelê Sûriyê û qurbaniyên gel bilind kirin.
Û Xwepêşanderan li meydana Elseyr/Elkeramê li Siwêda ala şoreşa Sûriyê bilind kirin, di heman demê de li bajarê Helebê, dezgehên ewlekariyê dorpêça li ser taxên ku duh lê xwepêşandan derketine tund kirin, da ku nehêlin ku îroj jî wek piştgirîyê ji biryarên xwe yên li Siwêda û Deraa derkevin.
Û Hevbendiya Niştimanî ya Sûrî di daxwiyaniyeke berê de tekezî li ser piştgiriya xwe ya tam ji serhildana gelêrî li Deraa û Siwêda li başûrê Sûriyê û xwepêşandanên li beravên Sûriyê li dijî rijêma Esed, û têde daxwaza rûxandina rijêma Esed kirin, kiribû.
Û Hevbendiya Niştimanî cext kir ku pêdiviya Sûriyê bi hemû gelê wê heye, da ku xewna Sûriyan di azadî, dadwerî û rûmetê de pêk were, û Sûriyeke ku cihê rijêma Esed têde tune be ava bikin.
Jêder: Ofîsa Ragihandinê ya Hevbendiya Niştimanî ya Sûrî