Cîgirê Serokê Hevbendiya Niştimanî ya Sûrî Ebdilmecîd Berekat, xweşahiya xwe anî ziman bi sizayên nû yên ku Yekîtiya Ewropayê li ser kampanî û kesayetên piştgir ji rijêma Esed re sepandine, ew aliyên ku rijêm wan bikar tîne ji bo ji cezayên navdewletî yên li ser hatine sepandin bireve.
Û Berekat tekezî li ser pêwîstiya hewldanên cidî kir ji bo dadpirsîna rijêmê li ser tawanên ku dermafê gelê Sûriyê ji berî zêdetir ji 12 salan de pêk anîne, û livandina rewşê berve kartêkerkirina piroseya siyasî û cîbicîkirina biryarên navdewletî yên têkildarî karûbarê Sûriyê û di pêşî de herdû biryarên 2118 û 2254.
Tî zanîn ku Yekîtiya Ewropayê duh roja duşemê navê 6 kesan û 5 kampaniyan xistin lîsteya sizayên girêdayî bi rewşa Sûriyê ya niha, û di nav wan kesayetan de rawêjkarê aborî yê Esed û sê ji karsazên xwiya yên ku piştgiriya rijêmê dikin û sûdê jê werdigrin hebûn, her wiha du kes girêdayî malbata Esed in.
Û kampaniyên ku ceza lê hatine birîn Girûpa Eldî Cî, Ecnihet el-Şam, Ajansa Rêwîtiyê ya Freebird, û Kampaniya Îloma ya Veberhênana Taybet û Kampaniya Eleqîle.
Û Yekîtiya Ewropayê di daxiyaniyekê de duh, duşemê, got ku destê hinek ji van saziyan di veguheztina nandozên Sûrî an bazirganiya çekan an qaçaxiya keresteyên hişbir an şûştina pereyan de hene, nemaze yên ku piştgiriya çalakiyên rijêm dikin.
Û li gorî van cezayan, niha ev kes û kampanî li dewletên endam di Yekîtiya Ewropayê de rastî cemidandina pereyan tên, di heman demê de qedexe ye ku Yekîtiya Ewropayê dirav û çavkaniyên aborî bidin wan.
Jêder: Ofîsa Ragihandinê ya Hevbendiya Niştimanî ya Sûrî
