Berdevkê fermî yê Hevbendiya Niştimanî Sûrî Salim Elmislit bêdengiya Navdewletî beraber kuştarên Esed li Helebê û li hemû Sûriyê Bi taybetî kuştara îro li Heyan ku 8 kesan ji malbatekê jiyana xwe jidest dane pirotesto kir.
Elmislit got:”em ne bêdengiya Civaka Navdewletî ya bi gotinan, lê belê em bêdengiya wan ya kiyaran protesto dikin, divê beraber kuştarên Esed bi tundî bête rawestan da nema zarokan bikuje ”
Firokên Esed bajarê Heyan bi êrîşeke asmanî û bermîlên teqîner amanc kir, di encamê de avahiyek bi temamî hate wêrankirin û kesên di xanî de yên malbata (Elhayik) tevan jiyana xwe jidest dan. Ji nav qurbaniyan zarokek bi navê Yûsif Fûad Elhayik ko bermîla teqîner gava bi ser xanî de hate xwarê di navbera banê xanî û bermîlê de perçiqî.
Bavê lawik piştî dît ko malbata wî tev de çûn û kelaxê kurê xwe di navbera ban û bermîlê de perçiqî dît hişê wî tevlihev bû wek dînan lê hat, her xelkê li ber dilê wî didan û ew dûr dikir lê nikarîbû bidûr bikeve û hêvî ji wan dikir ko nerîna dawî lê binere.
Elmislit bêtir got: “dîmena Yûsiv di kuştara îro de, nihad û wijdan dihejîne, bila her Serpereştekî cîhanê hizir bike ko Yûsiv kurê wî ba wê çi bikira.”
Elmislit tekez kir ko “Esed nikarîbû zarokên me van çar salan bikuştana eger ne ji piştgiriya Rûsya û Çîn û hem bêdengiya Civaka Navdewletî ba“
Elmislit got: “Gelê Sûrî çi hêviya wî di helwesteke exlaqî ji Rûsya û Çînê nema ye , û ji bêdengiya hevalên xwe yên civaka navdewletî yên ko bi mafê mirov û azadiya gelan bang dikin dilsar bûye. Ji ber qedexekirina dana çekên dijberên firokan, ji lewra nikarin xwe ji firokên Esed biparêzin.”
Elmislit ji hevalên gelê Sûriyê re got :”bila xwîna zarokê bêguneh Yûsiv û xwîna malbata wî ji we re bibe fakterek da berpirsiyariya xwe hilgirin û qedexekirina firîna asmanî li ber Firokên Esed cîbicî bikin. Bila xwîna Yûsiv bibe destpêkek ji xurtkirina helwestên sist re beraber tawankariyên Esed, û kuştina bi destê tiroristiya wî bidawî bikin.”
Çalakvanan navên malbata “Elhayik” yên ko li Heyan îro jiyana xwe jidest dane belegeh kirine ew jî ev in: pakrewan Mihemed Omer Hayik (9salî), Mihemed Fûad Hayik (11salî), Cemal Fûad Hayik (7salî), Yûsif Fûad Hayik (5salî), Hemza Fûad Hayik (1salî), Mihemed Elqadî Hayik (70salî) û Hevjîna wî Emîna (65salî) Hesen Elcibêr Qerîtim (75salî).
Jêder: Hevbendî