Berevaniya Sivîl a Sûrî, diyar kir ku êrîşên hêzên rijêma Esed û Rusya li ser bakur-rojavayê Sûriyê, bûn sedema kuştina 51 kesî, 8 zarok û 5 jin di nav wan de hebûn, her wiha birîndarbûna 208 kesan, 70 zarok û 29 jin di nav wan de hebûn.
Û Berevaniya Sivîl ji destpêka sala niha de ta roja yekşemê, 20 tebaxê, bêhtir ji 454 êrîşên ku hêzên rijêmê û Rusya pêk anîne li rex êrîşên ku ji deverên di bin kontirola rijêmê û milîsên PYDe yên teroristî pêk hatine, û êrîşên bi dron û teqînan li bakurê rojavayê Sûriyê tomar kirin, û got ku ji wan êrîşan 240 bi topavêj û mûşekan bûn, û 4 êrîşên asîmanî ji hêla Rusya ve bûn.
Û rapora Saziyê, tekez kir ku êrîşên berdewam ên hêzên rijêmê û Rusya beşek ji rêbazeke ku li ser kuştina jiyanê li bakurê Sûriyê ava bûye, tê, da ku sivîlan ji aramiyê bêpar bihêlin, û rewşeke tirs û sawê di nav wan de bisepînin.
Û Saziyê bal kişand ser ku ev êrîş wek berdewamî ji siyaseta cîbicîkarên wê di kuştina sivîlan de tê, û bal kişand ser wê yekê ku tevî ku ev êrîş binpêkirineke eşkere ye ji Yasaya Navdewletî ya Mirovahî re, lê civaka navdewletî derbarê sizakirina binpêkerên wan tawanan ti liv nekir.
Jêder: Ofîsa Ragihandinê ya Hevbendiya Niştimanî ya Sûrî
