Bidehan ji xelkê gund û bajarokên parêzgeha Suweyda, îro çarşemê, ku ev roja çaremîn e li pey hev, berve qada Elseyr/ Elkerame ya li nîvê bajarê Suweydayê diçin, da ku di xwepêşandanên ku daxwaza koçkirina rijêma Esed dikin de beşdar bibin.
Û Xwepêşanderan îro pankart bilind kirin, û li ser hinekan nivîsandibûn: (Azadî giyanê Jiyanê ye), (Şoreşgerên azad in em ê Esed Bidawî Bînin), (Ol ya Xwedê ye û Welat yê Me Tevan e), (Na ji Mezhebiyê re. Na ji Dewleta Leşkerî re. Na ji Stemkarî û Gendeliyê re. Erê ji Dewleta Yasayê re.), (Suweyda ne ya Firotinê ye), (Em Daxwaza Cîbicîkirina Biryar 2254 Dikin),( Sûriya Azad e, Îran Derkeve Derve).
Û girûpên xwepêşanderan ji xelkê gundê Elmezre’a û girûpê ciwanên Elseile û Selîm û girûpin ji xelkê gundên Erîqa û Elxersa û Rîmet Hazim gihîştin qada Elseyr, her wiha xelkê gundên Elcinênê berê xwe dan meydana bajarê Şehba yê ku di vê katê de xwepêşandan lê lidar in, weke amadekariyê da piştre tevaya girûpan berê xwe bidin meydana Elseyr a nîvê bajarê Suweydayê.
Û ev yek hevdem e li gel derketina xwepêşandaneke xelkê bajarokê Seyda li rojhilatê Deraa, ya ku daxwaza rûxandina rijêmê dike, û xwepêşanderan têde pankert hildan û li ser hinan nivîsîbûn, (Barke Em Dixwazin Bijîn.),(Girtiyên di Zîndanên Esed e ne Hejmar in, Ew Azadîxwazin Bêguneh in) .
Û Hevbendiya Niştimanî ya Sûrî di daxwiyaniyeke xwe de piştgiriya xwe ya tam ji raperîna gelêrî li Sûriyê, ya xelkê taxa Ceramana ya Şamê, û ya li başûrê Sûriyê li Deraa û Suweyda, û her weha ji xwepêşandanên li beravên Sûriyê li dijî rijêma Esed derketine û têde daxwaza ruxandina rijêma Esed kirine, û tekez kirine ku rijêma Esed sedema kirîzan e li Sûriyê, û ew di ber xirabûna rewşa jiyanê û ya xizmetguzariyê ya xelkê de berpisyar e, anîbû ziman.
Û Hevbendiya Niştimanî tekezî li ser pêwîstiya ku deverên rizgarkirî li kêleka serhildana başûr rawestin kir, di riya beşdariya di xwepêşandanên mezin de re, ji bo ku tekeziyê li ser armanca hevbeş a rûxandina rijêma Esed bikin, û diyar bikin ku pêwîstiya Sûriyê bi hemû xelkên wê heye ji bo xewna Sûriyan di azadî, dadmendî û rûmetê di Sûriyake ku cihê rijêma Esed têde tune be pêk bînin.
Jêder: Ofîsa Ragihandinê ya Hevbendiya Niştimanî ya Sûrî
