Hejmarek ji welatiyên bi kotekî koçberî bakurê Sûriyê bûne, li kampa Elteh a rojavayî bajarê Sermeda li gundewarê Idlibê, metingek nerazîbûnê ji bo şermezarkirina VETOyê Rusya di Encumena Ewlekariyê de ya ku nahêle alîkariyên ku jiyanê rizgar dikin di sînor re derbas bibin, li dar xist.
Û xwepêşanderan redkirina xwe anî ziman ku alîkariyên navnetewî di riya rijêma Esed re bin, ji ber ku Sûrî kuştin û koçber kirin û bajarên wan wêran kirin, û gotin ku em ê birçî bimrin ji me re çêtir e ku em ji destê yê ku em kuştine û koçber kirine û aware kirine, bixwin.
Û xwepêşanderan bankertin hildan û li ser hinan ji wan hatibû nivîsîn: alîkariyên navnetewî ne hewcedarî destûrê ji kesekî ne. Kujer dilovan nabe. Rusya tawanbar re. Gelê azad alîkariyan ji hikûmeta Esedê kujer napejrîne. Em çi alîkariyê naxwazin ger destê yê em kuştine têde hebe. VETOyê Rusya ragihandina dorpêçkirinê û birçîkirina gelê Sûriyê ye. VETOyê Rusya çekek e bo kuştina gelê Sûriyê.
Û berî çend rojan jî hejmarek ji welatiyan metingên nerazîbûnê li bajarê Babê li gundewarê Helebê û meydana dergehê Bab Elhewa li gundewarê Idlibê li dar xistin, û têde berdewamiya rawestandina derbaskirina alîkariyên mirovî di riya xalên sînorî yên bakurê Sûriyê re şermezar kirin.
Ji aliyê xwe ve Hevbendiya Niştimanî ya Sûrî cext kir ku nayê pejrandin ku destûrê bidin Rusya ku dosya mirovî veguherîne dosayeke siyasî ya danûstandinê û di riya wê re keysebaziyê bike, da ku serkeftiyan ji rijêma Esed re li ser pişta birçîkirina gelê Sûriyê pêk bîne.
Jêder: Ofîsa Ragihandinê ya Hevbendiya Niştimanî ya Sûrî
