Hêzên rijêma Esed û milîsên Îranî deverên kêmkirina şer li Idlibê armanca dikin, û firokeyên cengê yên Rusya bi mûşekên teqîner bi awayekî rojane deverê borduman dikin.
Û Berevaniya Sivîl ya Sûrî, got ku 10 sivîlên ku du zarok û çar jin di nav de hene, jinek ji wan ducanî bû, bi birînên curbecur duşemê bi şev birîndar bûn, ji ber bombebarana bi mûşekan ya hêzên rijêmê li ser bajarê Cisir el-Şixûr li gundewarê Idlibê.
Û çalakvanan anîn ziman ku hêzên rijêmê û milîsên Îranê yên li leşkergeha Corîn, ya di hundir devera deşta Xabê li gundewarê Hemayê, bicih bûne, bi pênc mûşekan taxên nişteciyan li bajarê Cisir el-Şixûr armanca kirin, jê du mûşek li ser yek ji bazarên nava bajêr ketin, û bû sedema ketina birîndaran û ziyan gihand xaniyên sivîlan.
Û çalakvanên mafnas amaje bi wê yekê kirin ku rijêma Esed û hevalbendên wê bi mebest deverên rizgarkirî bombebaran dikin, da ku welatiyên li wir ewlehî û aramiyê nebînin, û her ku sivîl hewl didin ku malên xwe wek berê vegerînin, ew dibin armanca hêzên tawankar ên ku siyaseta xwe ya kuştina jiyanê berdewam dikin, û tekez kirin ku ew bûne qurbaniyên bêdengiya civaka navdewletî li hember binpêkirinên dermafê Sûriyan de, û ji ber ku rijêm û Rusya li ser tawanên xwe nayên sizakirin.
Jêder: Ofîsa Ragihandinê ya Hevbendiya Niştimanî ya Sûrî
