Çalakvanan gotin ku hêzên rijêmê bi topên topxaneyê bajarê Newa li gundewarê Deraa armanc kir, wek bersivdan li ser xwepêşandanên ku li nîvê bajêr ji çend rojan de dertên, û daxwaza ruxandina rijêma Esed û serbestberdana girtiyan dikin.
Û amûrên ragihandinê yên xwecihî diyar kirin ku hêzên rijêmê hewl dan ku xwepêşandanan bi darê zorê di riya barandina guleyan bi ser wan de bidawî bînin, wê yekê hişt ku xwepêşander tekeran bişewtînin û rêyan bigirin, û di pey re pevçûn di navbera hêzên rijêmê û kesin nediyar de derketin.
Û çalakvanan hişyarî ji pêkanîna tawaneke nû ji hêla rijêma Esed ve li bajêr dan, ji ber ku hêzên leşkerî yên ku ji amûrên leşkerî û erebeyên veguhastina serbazan pêk tên ji Şamê berve deverê de diçin.
Û xwepêşandan li bajarê Elhara û bajarokê Dêr Eledes li gundewarê Deraa yê bakur û bajarokê Elyadoda li gundewarê Deraa yê rojava û gundê Elsora Elsexîra li gundewarê parêzgeha Suweyda derketin, û xwepêşanderan têde daxwaza serbestberdana girtiyan û ruxandina rijêmê kirin.
Û hîn jî li bakurê Sûriyê xwepêşandanên mezin li gelek bajar û bajarokên herdû parêzgehên Deraa û Suweyda derdikevin, her wiha mangirtin û rawestandina kar ev sê roj in li pey hev berdewam in.
Jêder: Ofîsa Ragihandinê ya Hevbendiya Niştimanî ya Sûrî
