Giropên xelkê ji taxên curbicur ên bajarê Siwêda, îro, sêşemê gihiştin qada Elkerame li navenda parêzgehê, da ku beşdariyê di xwepêşandanên rojane de bikin, wek berdewamî ji tevgera aştiyane ya ku daxwaza guhertina siyasî û cîbicîkirina biryara navnetewî 2254 dike.
Û Endamên Sendîkaya Endezyaran li parêzgeha Siwêda, daxwaza lêkolînekê bo zanîna kesên li pişt kuştina endezyar Remzî Elmihêsawî û naskirina her kesê li pişt bêdengkirina dengê mafdariyê li parêzgeha Siwêda û tevaya Sûriyê kirin.
Û hin Çalakvanan bal kişandin ser ku aliyên ku bi operasyonên revandin û kuştinê li parêzgeha Siwêdayê radibin, bi armanca ku xwepêşandanên ev zêdetir ji du heyvan e li parêzgehê li dar dikevin bidawî bikin, girêdayî dezgehên ewlekarî yên rijêma Esed in.
Û Endamên Sendîkaya Endezyaran û hevkarên Elmihêsawî, li pêşiya baregeha Sendîkaya Endezyaran li Siwêda, xwepêşandanek li dar xistin, û tawan şermezar kirin, û beşdarên di mangirtinê de, ji Sendîkaya Endezyaran xwest ku careke dî li erkên xwe yên sereke vegere, nemaze yê berevaniya di ber mafên endaman û mafên wan ên sereke di jiyanê de.
Û xwepêşanderan li parêzgeha Siwêda duh ragihandin ku ew ê mangirtina giştî helawîsin, ji bo parastina aştiya civakê, da ku derfetê nedin rijêma xwîndar ku parêzgehê berve tundiyê bibe, û di heman demê de tekezî li ser berdewamiya xwepêşandanên aştiyane li qada Elkerame û tevaya qadên parêzgehê kirin.
Tê zanîn ku endezyar Remzî Mihemed Elmihêsawî, yê ku temenê wî 60 sal bû, û ji xelkê gundê Libîn e, yê ser bi gundewarê rojavayê Siwêda ve ye, bi şeş guleyên di serî de li gundewarê rojavayê Siwêdaya başûrê Sûriyê roja çarşemê di yekê çirîya paşîn de hatibû kuştin.
Jêder: Ofîsa Ragihandinê ya Hevbendiya Niştimanî ya Sûrî
