Alavên ragihandinê yên xwecihî, wêne û perçe -vîdyoyên tomarkirî yên xwepêşandanên Deraa îro roja pênşemê belav kirin, û têde daxwaza rûxandina rijêmê û serbestberdana girtiyên li bal rijêma Esed kirin.
Û xwepêşanderan di silogan û pankartên ku hildane de, tekezî li ser berdewamiya şoreşa Sûrî û daxwazên wan ên mafdar di gihiştina azadî û rûmet û demoqrasiyê de kirin.
Û çalakvanan li parêzgehê li ser dîwarên bajêr gotinên dijî rijêma Esed nivîsîn, û têde tekezî li ser daxwazên şoreşa Sûrî û panbendiya bi pirensîpên wê kirin, û ku ew nahêlin qurbaniyên mezin ên ku gelê Sûriyê jibona azadiyê pêşkêş kirine erzan biçin.
Û çalakvanan li Deraa daxwaza derketina xwepêşandaneke mezin sibe roja înê kirin, hevdemî li gel daxwazên xwepêşandanan li tevaya bajar û bajarokên Sûriyê.
Tê zanîn ku bidehan welatî ji xelkê bajarokên Eltêbe, Seyda û Xirbet Gezalê li gundewarê Deraa yê rojhilat duh roja çarşemê li pêşiya navendên ser bi hêzên rijêmê ve derketin, û rê bi awayekî beşkî birîn, û pankart û siloganên ku têde daxwaza guhartin û rûxandina rijêma Esed û serbestberdana girtiyan dikin, hildan, her wiha di pankatin din de banga yekrêziya gelê Sûriyê kirin, û ku Sûriya landika şaristaniyê ye, ne ya keresteyên hişber e.
Jêder: Ofîsa Ragihandinê ya Hevbendiya Niştimanî ya Sûrî
