Girûpa “Kar Di Ber Filestîniyên Sûriyê De”, doh, raihand ku wê kuştina 17 ragihênerên Felestînî li Sûriyê ji sala 2011 ve ta niha belge kiriye, dema wan rgihêneran şerê ku rêjîna Esed li dijî gelê Sûriyê dike dişopandin .
Û wê girûpê raporek belav kiriye têde gotine ku wan ragihêneran li deverên corbecor ji Sûriyê jiyana xwe jidest dane, û ew xwedan taybetmendiyên ciyawaz in, û karê wan di warên geşepêdan û hewarçûn û ragihandinê de bû.
Û wê raporê destnîşan kir ku rastiyên li ser xakê dibêjin ku ew hejmar ji weha mezintir e, ji ber ku gelek alozî “di warê ragihandina mirinê de derdikevin”, û raporê bal kişand ser ku ” piraniya kesên jiyana xwe jidest dane ji encama binçavkirina kotekî û eşkencekirina ta mirinê û bombebaranê û pevçûnan bû”.
Û derbarê rewşa ragihandinê û ragihêneran Sûrî, ragihênerê Sûrî “Şiyar Xelîl” endamê girûpa “Kar Ji Bo Girtiyên Sûriyê”, doh, bi helkefta Roja Cîhanî Ya Azadiya Ragihandinê, sîmînarek li yek ji dibistanên Ferensayê li akadîmiya “Lîlle” pêşkêş kir.
Û Şiyar di sîmînara xwe de derbarê girtiyên Sûriyê got ku Rêjîm ji destpêkê de kula wî girtina çalakvaên xwedan raman û nerîn, û ragihêner, û kesên bervanî û belgekirina derbarê mafê mirovan dikin bû, di heman dema ku wê rêjîmê girtiyên tundrew ji zindanên xwe serbest berdidan , û wan tundrewan rêxistinên tundrew ava dikirin, ew rêxistinên ku şoreşa Sûriyê şêwandin, da ku rêjîm sûdê ji wan wergire, û gelê Sûriyê bi behaneya tundrewiyê bikuje.
Û Xelîl di sîmînara xwe de bal kişand ser giringiya ragihandinê di diyarkirina rasiyan û ronîkirina veşariyên di” şikeftên diktatoran” de, û ji lewra rêjîma Esed dixwaze ragihandinê bişkîne, di riya peyketina rojnamevan û çalakvan û ragihêneran ji bo girtin û kuştina wan.
Û xelîl got ku wan ji berî şeş salan de kar ji bo çêkirina dezgehên ragihandinê yên alternative kirine, yên ku roleke wan ya sereke di veguhestina rastiyên Sûriyan û binpêkirinên ku Esed li dijî sivîlan de dike heye.
Û xelîl sîmînara xwe bidawî kir û got ku ew li ser gelek aniyan kar dikin ji bo ronîkirina kêşeyên çarenûsî yên mirovî û mafnasî li Sûriyê, û her weha şopandina kêşeya girtiyan li ser hemi astên navdewletî û civakî li Oropayê.
Jêder: Ofîsa Ragihandinê Ya Hevbendiya Niştimanî/ Ajans
