Piştî selimandin û eşkerebûna bikaranîna rijêma Esed ji çekên kîmawî re, wezareta derve ya Almaniya ragihand ku rijêma Esed bûye sedema tirajîdiyek mezin bi bikaranîna çekên kîmawî, û dubarekirina binpêkirina rêkeftina çekên kîmawî û yasa navdewletî.
Berdevka wezareta derve ya Almaniya got ku nabe ev tawanên hovane bê siza derbas bibin, û bal kişand ku pêwîst e ev yek ji civaka navdewletî re xuya be, û zêde kir û got ku heta alîgirên Esed jî nikarin çavê xwe ji vê yekê bigirin, û daxwaza dirêjkirina karê mîkanizma lêkolînên hevbeş yên NY ji encûmena ewlehiya navdewletî kir.
Tê zanîn ku raportek ji aliyê mîkanizma vekolîna hevbeş ya Netewên Yekgirtî û rêkxistina qedexekirina çekên kîmawî amade kiriye, berpirsiyariya êrîşa Kîmawî li ser Xan Şêxûn ya ku di nîsana borî de jiyana bi dehan kes bi dawî kiribû, xistibû stûyê rijêma Esed.
Nûnera Emerîka ya li Netewên Yekgirtî, Nîkî Hêlî, di daxuyaniyekê de li roja şemê gotibû: “em careke din tekeziyeke serbixwe dibînin li ser bikaranîna çekên kêmyayî bi dest Beşar Esed di şerê li dijî miletê Sûrî de. “
Hêjayî gotinê ye ku “Human Rights Watch” di raportekê de tekez kiribû ku ji aliyê firokên şer yên rijêma Esed gazên ku bandora wan li damaran heye bi kêmayî 4 caran hatine avêtin her ji 12’ê çileyê pêşî yê borî ve, tevî kîmyabarankirina Xan Şêxûn, û bombeyên kilorê bi berdewamî bi hilîkopteran têne avêtin, û “Human Rights Watch“ di qonaxa dawiyê de dîtiye ku ji aliyê hêzên bejayî yên Rijêmê û hêzên palpiştên wê bombeyên zemînî yên kilorê hatine avêtin.
Jêder: Ofîsa Ragihandina Hevbendiya Niştimanî/ Wekalat
